​​
Polimer News
Polimer News Tamil.
Advertisement
ஜி.எஸ்.டி.-யால் எந்த பாதிப்பும் இல்லை: அமைச்சர் வீரமணி

Published : Jul 09, 2019 6:11 PM

ஜி.எஸ்.டி.-யால் எந்த பாதிப்பும் இல்லை: அமைச்சர் வீரமணி

Jul 09, 2019 6:11 PM

ஜி.எஸ்.டி.,யால் வணிகர்களுக்கு எந்த பாதிப்பும் இல்லை என அமைச்சர் கே.சி.வீரமணி தெரிவித்திருக்கிறார்.

சட்டப்பேரவையில், வணிகவரித்துறை மானிய கோரிக்கை மீதான விவாதத்தில் பேசிய திமுக சட்டமன்ற உறுப்பினர் மைதீன்கான், ஜி.எஸ்.டி.யால் வருவாய் இழப்பு ஏற்பட்டுள்ளதாகவும், இதனால் வணிகர்கள் தங்கள் வாழ்வாதாரத்தை இழந்துள்ளதாகவும் தெரிவித்தார். இதற்கு பதிலளித்த வணிகவரித்துறை அமைச்சர் வீரமணி, தமிழ்நாட்டில், ஜி.எஸ்.டி வரி நடைமுறையில், 10 லட்சம் வணிகர்கள் இணைந்துள்ளதாக கூறினார்.

பல்வேறு பொருட்கள் மீதான ஜி.எஸ்.டி வரி மாற்றி அமைக்கப்பட்டுள்ளதால், வணிகர்கள் நிம்மதியாகவும், வளமாகவும் வணிகம் செய்து வருவதாக அவர் தெரிவித்தார். ஜி.எஸ்.டி.,யை சிறப்பாக கையாளும் மாநிலங்களில் தமிழ்நாடு இரண்டாம் இடத்தில் உள்ளதாகவும் அமைச்சர் வீரமணி கூறினார்.

பின்னர் பேசிய அமைச்சர் ஜெயக்குமார், சிறு வணிகர்களை பாதுகாக்கும் நோக்கோடு ஆண்டுக்கு 20 லட்சம் ரூபாய் வரை பணபரிவர்தனை செய்யும் வணிகர்கள் ஜி.எஸ்.டி வரம்புக்குள் கொண்டுவரப்படவில்லை என்றார்.