​​
Polimer News
Polimer News Tamil.
Advertisement
மே.வங்கத்தில் நான்கு அரசியல் கட்சிகளுடன் ஆளுநர் இன்று பேச்சுவார்த்தை

Published : Jun 13, 2019 7:06 AM

மே.வங்கத்தில் நான்கு அரசியல் கட்சிகளுடன் ஆளுநர் இன்று பேச்சுவார்த்தை

Jun 13, 2019 7:06 AM

மேற்கு வங்கத்தில் பாஜக-திரிணாமூல் தொண்டர்கள் இடையே ஏற்பட்ட மோதல், வன்முறைச் சம்பவங்களைத் தொடர்ந்து நான்கு அரசியல் கட்சிகளுடன் ஆளுநர் கேசரிநாத் திரிபாதி இன்று மாலை பேச்சுவார்த்தை நடத்த உள்ளார்.

திரிணாமூல் காங்கிரஸ், பாஜக, காங்கிரஸ் மற்றும் இடதுசாரிகளுக்கு இந்த அழைப்பு விடுக்கப்பட்டுள்ளது. மக்களவைத் தேர்தலின்போது தொடங்கிய வன்முறை சம்பவங்கள் தொடர்ந்து நீடிப்பதால் அவற்றைத் தடுப்பதற்கும் அமைதியை ஏற்படுத்தவும் இக்கூட்டம் உதவும் என்று ஆளுநர் மாளிகை அறிக்கையில் தெரிவிக்கப்பட்டுள்ளது. மேற்கு வங்க வன்முறை சம்பவங்கள் தொடர்பாக பிரதமர், உள்துறை அமைச்சர் ஆகியோருக்கு ஏற்கனவே ஆளுநர் அறிக்கை அனுப்பியுள்ளார்.