​​
Polimer News
Polimer News Tamil.
Advertisement
தூத்துக்குடி துப்பாக்கிச் சூட்டில் உயிரிழந்தவர்களின் நினைவஞ்சலி கூட்டம்

Published : May 15, 2019 2:48 PM

தூத்துக்குடி துப்பாக்கிச் சூட்டில் உயிரிழந்தவர்களின் நினைவஞ்சலி கூட்டம்

May 15, 2019 2:48 PM

தூத்துக்குடி துப்பாக்கிச் சூட்டில் உயிரிழந்தவர்களின் நினைவஞ்சலி கூட்டத்தில் கலந்து கொள்வோரின் எண்ணிக்கையை 500ஆக உயர்த்தி அனுமதி வழங்கி உயர்நீதிமன்ற மதுரைக்கிளை உத்தரவிட்டுள்ளது.

இது தொடர்பாக துப்பாக்கிச் சூட்டில் உயிரிழந்த கிளாஸ்டன் என்பவரின் சகோதரி தாக்கல் செய்த மனுவில், துப்பாக்கிச் சூட்டில் உயிரிழந்தவர்களுக்கு அவர்களது குடும்பத்தினர் சார்பாக மே 22ம் தேதி பேரணி அல்லது பொதுக்கூட்டம் நடத்த அனுமதி வழங்க கூறி இருந்தார்.

இதே போன்று வியனரசு என்பவர் தாக்கல் செய்த மனுவில், மே 22ம் தேதி அஞ்சலி கூட்டம் நடத்த வேண்டும் என அனுமதி கோரி இருந்தார்.

இந்த இரு மனுக்களையும் விசாரித்த நீதிபதிகள், ஏற்கனவே மே 22ம் தேதி தனியார் ஹோட்டலில் 250 பேர் வரை கலந்து கொள்ளும் நினைவஞ்சலி கூட்டத்திற்கு அனுமதி வழங்கப்பட்டுள்ளதாகவும், இதுபோன்று தொடர்ந்து மனுக்கள் தாக்கல் செய்யப்படுவது ஏன் என கேள்வி எழுப்பினர்.

தனியார் ஹோட்டலில் நடைபெறும் நினைவஞ்சலி கூட்டத்தில் 500 பேர் வரை கலந்து கொள்ளலாம் என எண்ணிக்கையை உயர்த்தி அனுமதி வழங்கி நீதிபதிகள் உத்தரவிட்டனர்.