​​
Polimer News
Polimer News Tamil.
Advertisement
மம்தாவிடம் மன்னிப்புக் கேட்கப்போவதில்லை: பிரியங்கா சர்மா

Published : May 15, 2019 2:35 PM

மம்தாவிடம் மன்னிப்புக் கேட்கப்போவதில்லை: பிரியங்கா சர்மா

May 15, 2019 2:35 PM

மேற்கு வங்க முதலமைச்சர் மம்தா பானர்ஜியை விகாரமாக சித்தரிக்கும் புகைப்படத்தை வெளியிட்டு கைதான பாஜக பெண் நிர்வாகி பிரியங்கா சர்மா, அந்த சம்பவத்திற்காக மன்னிப்புக் கேட்கப் போவதில்லை எனக் கூறியிருக்கிறார்.

கொல்கத்தாவின், ஹவுரா பகுதியைச் சேர்ந்தவர், பாஜக யுவ மோர்ச்சா நிர்வாகி., பிரியங்கா சர்மா.. இவர், நடிகை பிரியங்கா சோப்ராவின் புகைப்படத்தில், மம்தாவின் முகத்தை ஒட்டி மார்பிங் செய்து வெளியிட்டார். இதுதொடர்பான புகாரில் பிரியங்கா சர்மா கைது செய்யப்பட்டு, சிறையிலடைக்கப்பட்டார்.

உச்சநீதிமன்றம் ஜாமீன் வழங்கிய நிலையில், காலையில் அவர் விடுவிக்கப்பட்டார். கொல்கத்தாவில் செய்தியாளர்களிடம் பேசிய பிரியங்கா சர்மா, தன் மீதான வழக்கை எதிர்த்துப் போராடப் போவதாக கூறியிருக்கிறார்.

தன் மீதான வழக்கு, கருத்துச் சுதந்திரத்திற்கு எதிரானது என்று கூறியிருக்கும் பிரியங்கா சர்மா, அந்த சம்பவத்திற்காக, யாரிடமும், மன்னிப்புக் கேட்கப் போவதில்லை என்றும் தெரிவித்திருக்கிறார்.