​​
Polimer News
Polimer News Tamil.
Advertisement
மக்கள் நீதி மய்யம் வேட்பாளர்களை ஆதரித்து கமல்ஹாசன் பிரச்சாரம்

Published : Mar 27, 2019 7:15 AM

மக்கள் நீதி மய்யம் வேட்பாளர்களை ஆதரித்து கமல்ஹாசன் பிரச்சாரம்

Mar 27, 2019 7:15 AM

மக்கள் நீதி மய்யம் வேட்பாளர்களை ஆதரித்து அக்கட்சியின் தலைவர் கமல்ஹாசன் நாளை முதல் ஏப்ரல் 16ம் தேதி வரை சூறாவளிப் பிரச்சாரம் மேற்கொள்ள உள்ளதாக தெரிவித்துள்ளார்.

வேட்பாளர் இறுதிப் பட்டியலை கோவையில் அறிவித்த கமல்ஹாசன், தாம் இந்த தேர்தலில் போட்டியிடாததற்கு காரணத்தை விளக்கியிருந்தார்.

பல்லாக்கில் தாம் ஏற விரும்பவில்லை என்றும் பல்லக்கை சுமக்க விரும்புவதாகவும் கூறிய கமல்,மக்கள் நீதி மய்யத்தின் ஒவ்வொரு வேட்பாளரையும் ஆதரித்து தீவிரப் பிரச்சாரம் மேற்கொள்ள இருப்பதாக அறிவித்தார். நாளை தமது பிரச்சாரத்தை சென்னையில் கமல்ஹாசன் தொடங்குகிறார்.

தொடர்ந்து பூவிருந்தவல்லியில் இம்மாதம் 30ம் தேதி அவர் பிரச்சாரம் மேற்கொள்வார்.அடுத்து செங்கல்பட்டு, விழுப்புரம், புதுச்சேரி, கடலூர், நாகை, திருவாரூர், திருச்சி, திண்டுக்கல் பொள்ளாச்சி, திருப்பூர், கோவை, கன்னியாகுமரி, திருநெல்வேலி, தென்காசி, தூத்துக்குடி, சாத்தூர்,இராமநாதபுரம், சிவகங்கை, மதுரை, தேனி, கரூர் , சேலம், நாமக்கல், தர்மபுரி,கிருஷ்ணகிரி , வேலூர் என அனைத்துத் தொகுதிகளிலும் சூறாவளிப் பிரச்சாரம் மேற்கொள்கிறார் கமல்ஹாசன்.

ஏப்ரல் 16ம் தேதி தென்சென்னையில் தமது பிரச்சாரத்தை அவர் நிறைவு செய்ய உள்ளார்.