​​ 13 வயது சிறுமியை பாலியல் தொழிலில் தள்ளிய பெற்றோர்
Polimer News
Polimer News Tamil.
Advertisement
13 வயது சிறுமியை பாலியல் தொழிலில் தள்ளிய பெற்றோர்

13 வயது சிறுமியை பாலியல் தொழிலில் தள்ளிய பெற்றோர்

May 16, 2018 7:49 PM

நெல்லை மாவட்டம் தென்காசி அருகே 13வயது மாணவியை பாலியல் தொழிலில் ஈடுபடுத்திய தாய் உள்ளிட்ட இருவரை கைது செய்த கேரள போலீசார், தந்தை உள்ளிட்ட 5 பேரை தேடி வருகின்றனர்.

image

புளியரையை அடுத்த ஸ்ரீ மூலப்பேரி நீர்த்தேக்கத்திற்கு அருகே உள்ள தோட்டத்தில் தாங்கி தோட்டவேலை செய்து வந்த கிரிஜா - ஐயப்பன் தம்பதியினரின் 13வயது மகள் திருவனந்தபுரத்திலுள்ள பள்ளியில் தங்கி படித்து வந்துள்ளார். கடந்த சில நாட்களுக்கு முன் விடுமுறைக்காக புளியரைக்கு வந்த சிறுமி பெற்றோருடன் தங்கியிருந்தார்.

இந்நிலையில் கடந்த 13ஆம் தேதி முதல் தனது மகளை காணவில்லையென்றும், தனது கணவரான ஐயப்பன் அவரை கேரளாவிற்கு கடத்திச் சென்றிருக்காலமென அம் மாநிலத்தில் உள்ள தென்மலை போலீசில் கிரிஜா புகார் கொடுத்துள்ளார். கிரிஜாவின் பேச்சு முன்னுக்குப்பின் முரணாக இருந்ததால் போலீசார் அவரிடம் தீவிர விசாரணை மேற்கொண்டபோது, பெற்ற மகள் என்றும் பாராமல் பணத்திற்காக அச்சிறுமியை தனது தோட்டத்து வீட்டில் அடைத்து வைத்து பாலியல் தொழிலில் ஈடுபட வைத்தது தெரியவந்தது.

இதில் கிடைத்த பணத்தை கிரிஜா மட்டுமே எடுத்துக் கொண்டதால் ஆத்திரமடைந்த சிறுமியின் தந்தையான ஐயப்பன், சிறுமியை பாலியல் தொழிலில் ஈடுபடுத்த கேரளா அழைத்துச் சென்றது தெரிய வந்தது. இதனைத்தொடர்ந்து தீவிர தேடுதல் வேட்டை நடத்திய போலீசார், கேரளாவில் அடைத்து வைக்கப்பட்டிருந்த சிறுமியை மீட்டனர். போலீசார் வருவதையறிந்த ஐயப்பன் தப்பிவிட்டான்.

மாணவியை பாலியல் தொழிலில் ஈடுபடுத்தியதாக வழக்குப் பதிவு செய்த கேரள போலீசார் தாய் கிரிஜா மற்றும் ஆரியங்காவு பகுதியை சேர்ந்த சஜி என்பவனைக் கைது செய்தனர். மேலும் சிறுமியை பாலியல் வன்கொடுமைக்கு உள்ளாக்கிய அஜித் உள்ளிட்ட சிலரை தேடிவருகின்றனர்.

இதனிடையே கைது செய்யப்பட்ட கிரிஜாவையும், சஜியையும் புளியரை தோட்டத்திற்கு அழைத்து வந்த கேரள போலீசார், சிறுமி அணிந்திருந்த ஆடைகள் மற்றும் தடயங்களை சேகரித்தனர். மேலும் இருவரையும் சுரண்டை உள்ளிட்ட பகுதிகளுக்கு அழைத்து சென்று விசாரணை நடத்தி வருகின்றனர்.