அரசு உயர்நிலை, மேல்நிலைப்பள்ளிகளுக்கு கணினிகள் வழங்க நடவடிக்கை

0 148

தமிழகம் முழுவதும் அரசு உயர்நிலைப்பள்ளிகளுக்கு 10 கணினிகளும், மேல்நிலை பள்ளிகளுக்கு 20 கணினிகளும் இந்த மாத இறுதியில் வழங்கப்பட்டு, இணையதள சேவை வழங்க நடவடிக்கை எடுக்கப்பட்டு வருவதாக பள்ளி கல்வித்துறை அமைச்சர் செங்கோட்டையன் தெரிவித்துள்ளார்.

திண்டுக்கல் மாவட்டம், ஒட்டன்சத்திரம் கிறிஸ்தவ மெட்ரிகுலேஷன் பள்ளியின் 50 வது ஆண்டு விழாவில் அமைச்சர்கள் செங்கோட்டையன், திண்டுக்கல் சீனிவாசன் ஆகியோர் கலந்துகொண்டு சிறப்புரை ஆற்றினர்.

பின்னர் செய்தியாளர்களிடம் பேசிய செங்கோட்டையன், தமிழகத்தில் ஐசிடி எனப்படும் புதிய தொழில்நுட்பத்தில் கல்வி வழங்க நடவடிக்கை எடுக்கப்பட்டு வருவதாக தெரிவித்தார்.

அரசு பள்ளிகளில் இந்த ஆண்டு புதிதாக 2 லட்சம் குழந்தைகள் சேர்ந்திருப்பதாகவும் அமைச்சர் தெரிவித்தார்.

 

SHARE
RELATED POSTS
Click to comment
LEAVE COMMENT
SUBMIT

Comments