பாகிஸ்தான் டெஸ்ட் அணி கேப்டன் சர்பராஸ் அகமது நீக்கம்

0 323

பாகிஸ்தான் டெஸ்ட் கிரிக்கெட் அணி, 20 ஓவர் அணி கேப்டன் பதவிகளிலிருந்து சர்பராஸ் அகமது  திடீரென நீக்கப்பட்டுள்ளார்.

ஆஸ்திரேலியாவில் விரைவில் சுற்றுப்பயணம் செய்து விளையாட இருக்கும் பாகிஸ்தான் அணியிலிருந்தும் அவர் நீக்கப்பட்டுள்ளார். ஒருநாள், டெஸ்ட், 20 ஓவர் அணிகளுக்கு சர்பராஸ் அகமது கேப்டனாக இருந்தார். இந்நிலையில் சர்பராஸுக்கு பதிலாக பாகிஸ்தான் டெஸ்ட் அணிக்கு அஸார் அலியும், 20 ஓவர் அணிக்கு பாபர் ஆஸமும் கேப்டனாக நியமிக்கப்பட்டுள்ளனர்.

பாகிஸ்தான் அணி 2020ம் ஆண்டு ஜூலை மாதம்தான் அடுத்த ஒருநாள் போட்டியில் விளையாடுகிறது. ஆதலால் ஒருநாள் அணி கேப்டன் குறித்து முடிவு செய்யப்படவில்லை. சர்பராஸ் அகமது தலைமையில் பாகிஸ்தான் 2017ம் ஆண்டில் சாம்பியன்ஸ் கோப்பையை வென்றது.

20 ஓவர் போட்டி ரேங்கிங் தரவரிசையில் முதலிடத்தை பிடித்தது. ஆனால் பாகிஸ்தானுக்கு சுற்றுப்பயணம் வந்த இலங்கைக்கு எதிரான 20 ஓவர் கிரிக்கெட் தொடரில் படுதோல்வியை சந்தித்தது. சர்பராஸ் அகமது மோசமான பார்மில் உள்ளார். இதையடுத்து இந்நடவடிக்கையை பாகிஸ்தான் கிரிக்கெட் வாரியம் எடுத்திருப்பதாக தெரிகிறது.

SHARE
RELATED POSTS
Click to comment
LEAVE COMMENT
SUBMIT

Comments