பள்ளிகளில் டெங்கு தடுப்பு நடவடிக்கைகளை மேற்கொள்ள உத்தரவு

0 174

அனைத்துப் பள்ளிகளிலும் டெங்கு தடுப்பு நடவடிக்கைகளை மேற்கொள்ளுமாறு தலைமை ஆசிரியர்களுக்கு பள்ளிக்கல்வித்துறை இயக்குநர் கண்ணப்பன் உத்தரவிட்டுள்ளார்.

இது தொடர்பாக வெளியிடப்பட்டுள்ள அறிக்கையில், சென்னை,தருமபுரி, திருவள்ளூர், திருநெல்வேலி, காஞ்சிபுரம் ஆகிய 5 மாவட்டங்களில் டெங்குக் காய்ச்சல் தீவிரமாக பரவி வருவதாகவும், அங்குள்ள பள்ளிகளில் பயிலும் மாணவர்கள் டெங்கு உள்ளிட்ட பலவகை காய்ச்சலால் பாதிக்கப்பட்டுள்ளதாகவும் தெரிவிக்கப்பட்டுள்ளது.

எனவே பள்ளி வளாகங்களை தூய்மையாக வைத்திருப்பதோடு, பள்ளியிலுள்ள வாளிகள், தண்ணீர் தொட்டிகள், கழிவறைகள், குடிநீர் குழாய்கள், கட்டிடங்கள் போன்றவற்றை கொசுக்கள் உற்பத்தியாகாத வண்ணம் உடனடியாக தூய்மை படுத்த வேண்டும் எனவும் உத்தரவிடப்பட்டுள்ளது.

அனைத்து பள்ளி தலைமை ஆசிரியர்களும், டெங்கு தடுப்பு நடவடிக்கைகளை மேற்கொண்டு, மாணவர்களின் பாதுகாப்பை உறுதி செய்ய வேண்டும் எனவும் அறிவுறுத்தப்பட்டுள்ளது.

மேலும் மாவட்டக்கல்வி அலுவலர்கள், முதன்மைக்கல்வி அலுவலர்கள் தலைமை ஆசிரியர்களுக்கு தேவையான அறிவுறுத்தல்களை வழங்கி, இந்த பணிகள் மேற்கொள்ளப்பட்டிருப்பதை ஆய்வு செய்து உறுதி செய்ய வேண்டும் என உத்தரவிடப்பட்டுள்ளது.

SHARE
RELATED POSTS
Click to comment
LEAVE COMMENT
SUBMIT

Comments