குத்துச்சண்டை வீராங்கனை மேரி கோமின் பெயர் “பத்ம விபூஷன்” விருதுக்கு பரிந்துரை

0 287

ஆறு முறை உலகச்சாம்பியன் பட்டம் வென்ற குத்துச்சண்டை வீராங்கனை மேரி கோமின் பெயரை நாட்டின் 2வது உயரிய விருதான பத்ம விபூஷன் விருதுக்கு விளையாட்டுத்துறை அமைச்சகம் பரிந்துரை செய்துள்ளது.

மத்திய அரசால் வழங்கப்படும் பத்ம விருதுகளுக்கான பரிந்துரை பட்டியலை உள்துறை அமைச்சகத்தின் பத்ம விருதுகள் கமிட்டியினருக்கு, விளையாட்டுத்துறை அமைச்சகம் அனுப்பியுள்ளது. 9 பேர் கொண்ட அந்த பட்டியலில் முதல்முறையாக அனைவரும் பெண்களாகவே இடம்பெற்றுள்ளனர். 2006ம் ஆண்டில் பத்மஸ்ரீ விருதையும், 2013ம் ஆண்டில் பத்மபூஷன் விருதையும் பெற்றுள்ள மேரி கோம், தற்போது பத்ம விபூஷன் விருதுக்கு பரிந்துரைக்கப்பட்டுள்ளார்.

இந்த விருதை மேரி கோம் பெற்றால், நாட்டின் 2வது உயரிய விருதான பத்ம விபூஷனை பெறும் 4வது விளையாட்டு வீரர் என்ற பெருமையை அவர் பெறுவார். இதற்கு முன்னதாக 2007ம் ஆண்டில் செஸ் விளையாட்டு வீரர் விஸ்வநாதன் ஆனந்த், 2008ம் ஆண்டில் கிரிக்கெட் வீரர் சச்சின் டெண்டுல்கர் மற்றும் மலையேற்ற வீரர் சர் எட்மண்ட் ஹிலாரி ஆகியோர் பத்ம விபூஷன் விருதை பெற்றுள்ளனர்.

தற்போது வெளியிடப்பட்டுள்ள பட்டியலில், 2015ம் ஆண்டு பத்ம ஸ்ரீ விருது பெற்ற பி.வி.சிந்துவின் பெயரும் பத்ம பூஷன் விருதுக்கு பரிந்துரைக்கப்பட்டுள்ளது. கடந்த ஆகஸ்ட் மாதம் பி.வி.சிந்து டென்னிஸ் உலக சாம்பியன் பட்டம் வென்ற முதல் இந்தியர் என்ற பெருமையை பெற்றார். இந்த பட்டியலில் கிரிக்கெட் வீராங்கனை ஹர்மன்பிரீத் கவுர் உள்ளிட்ட மேலும் 8 வீராங்கனைகளின் பெயர்கள் பத்மஸ்ரீ விருதுக்காக பரிந்துரைக்கப்பட்டுள்ளது.

SHARE
RELATED POSTS
Click to comment
LEAVE COMMENT
SUBMIT

Comments