வக்பு திருத்த மசோதா நாடாளுமன்றத்தின் இரு அவைகளிலும் நிறைவேற்றப்பட்ட நிலையில், இதுவரை இருந்துவந்த பிரச்சனைகளுக்கு தீர்வு ஏற்படும் என அரசு தரப்பில் தெரிவிக்கப்பட்டுள்ளது.

வக்பு சொத்து நிர்வாகத்தில் வெளிப்படைத்தன்மை இல்லை என்றும், ஆய்வுகள் முழுமையற்று இருப்பதாகவும்,பெண்களின் பரம்பரை உரிமைகளுக்கு போதிய ஏற்பாடு செய்யப்படவில்லை என்றும் கூறப்படுகிறது.

அதேபோன்று, 2013ல் 10,381 ஆக்கிரமிப்பு உள்ளிட்ட வழக்குகள் இருந்தநிலையில் தற்போது 21,618 ஆக அதிகரித்துள்ளதாக கூறப்படுகிறது. வக்பு வாரியங்கள் தாங்களாகவே விசாரித்து, எந்தவொரு சொத்தையும் வக்பு நிலமாக அறிவிக்கும் அதிகாரம் இருப்பதாகவும், வக்பு சொத்துகள் குறித்து சரியான கணக்கோ தணிக்கையோ இல்லை என்றும் கூறப்படுகிறது.

மத்திய வக்பு கவுன்சில் மற்றும் மாநில வக்பு வாரியங்களில் போதிய பிரதிநிதித்துவம் இல்லை என்ற புகார்களுக்கு தீர்வு காணமுடியும் எனவும் தெரிவிக்கப்பட்டுள்ளது.

பாரம்பரியத் தளங்களைப் பாதுகாக்கவும் சமூக நலனை மேம்படுத்தவும் தேவையான விதிகளுடன் வக்பு சொத்துகளின் நிர்வாகத்தை ஒழுங்குபடுத்துவதே மசோதாவின் நோக்கம் என்றும் தெரிவிக்கப்பட்டுள்ளது