திமுக எம்.பிக்களை நாகரீகமில்லாதவர்கள் என்று விமர்சித்ததாக மத்திய அமைச்சர் தர்மேந்திர பிரதானை கண்டித்து ,தேனி மாவட்டம் போடியில் கண்டன கோஷமிட்ட திமுகவினர், அவரது உருவபொம்மையை எரிப்பதற்காக அவசரமாக எடுத்து வந்தனர். உஷாரான போலீசார் உருவ பொம்மை மீது தண்ணீரை ஊற்றினார்.

திமுகவினர் தாங்கள் கையோடு எடுத்து வந்திருந்த, பெட்ரோலை ஊற்றிக் கொண்டிருந்த போதே, ஒருவர் அவசரப்பட்டு தீவைத்ததால், பெட்ரோல் கேனை தூக்கிபோட்டு ஓட்டம் பிடித்தனர், அது எதிர்க்குரலிட்ட தொண்டரின் வேட்டியில் பட்டு தீப்பிடித்து எரிந்ததால் அவர் பதறியடித்து ஓடினார்.

தனது வேட்டியை கழற்றி வீசியதால் அவர் நூலிழையில் உயிர் தப்பினார், அது முழுவதுமாக எரிந்து கருகியது

தீயினால் அரை டவுசருடன் தவித்து நின்ற அவரை கண்டுகொள்ளாமல், வைகோல் பொம்மையை சுற்றி நின்று எதிர்ப்பு கோஷமிட்டவாறு நின்றனர்.

தேனி திமுகவினர் தர்மேந்திர பிரதான் உருவ பொம்மை எரிப்புக்கு தூக்கி வந்த போது ஒருவர் பெட்ரோல் ஊற்ற மற்றொருவர் அவசரப்பட்டு வைத்த தீ பேண்டில் பற்றிக் கொண்டது.

அலறியடித்து ஓடிய , அந்த உடன்பிறப்பு தீயை அனைத்ததால் அதிர்ஷ்டவசமாக தப்பினார். அவர் அணிந்திருந்த சட்டை லேசாக தீயில் சுறுங்கியது

அதே போல கொடைக்கானலில் தர்மேந்திர பிரதானின் உருவப்படத்துக்கு பதில் பா.ஜ.க எம்பி, நிஷிகாந்த் துபே என்பவரின் உருவப்படத்தை பந்து ஒன்றில் பொருத்தி எடுத்து வந்து பெட்ரோல் ஊற்றி உருவ பொம்மைக்கு தீவைத்தபோது பந்து தீயுடன் உருண்டு ஓடியதால் தொண்டர்கள் சிதறி ஓடி தப்பினர்

ஒரு கட்டத்தில் பெட்ரோல் கேனில் தீப்பற்றியதால் அதனை உள்ளே தூக்கிப்போட சிலர் கூறினர். உருவ பொம்மை தீயில் போட்டதும் அந்த கேன் வெடித்து விடக்கூடும் என்ற அச்சத்தில் கட்சியினர் சில அடி தூரம் தள்ளி நின்று பாதுகாப்பாக கோஷமிட்டு கலைந்து சென்றனர்.