தஞ்சாவூரில் வீடுபுகுந்து பெண்ணிடம் அத்துமீறலில் ஈடுபட்டதாக, ஓய்வு பெற்ற தலைமை ஆசிரியரை போலீசார் கைது செய்த நிலையில், வீடியோவை காண்பித்து 17 லட்சம் ரூபாய் கடனை கழித்து விடச்சொல்லி , பிளாக்மெயில் செய்த புகாரில் சம்பந்தப்பட்ட பெண்ணிடம் போலீசார் விசாரித்து வருகின்றனர்.

பெண்ணை வீடு புகுந்து பாலியல் வன்கொடுமை செய்ய முயன்ற புகாருக்குள்ளாகி இருக்கும் ஓய்வு பெற்ற தலைமை ஆசிரியர் ஆரோக்கிய சாமி இவரு தாங்க..!

தஞ்சாவூரை சேர்ந்த பெண் ஒருவர், அனைத்து மகளிர் காவல் நிலையத்தில் வீடியோ ஆதாரத்துடன் பரபரப்பான புகார் ஒன்றை தெரிவித்தார். அதில், ஓய்வு பெற்ற தலைமை ஆசிரியர் ஆரோக்கிய சாமி என்பவரிடம் , தனது மகன்களின் படிப்பு செலவுக்காக 15 ஆயிரம் ரூபாய் கடன் கேட்டிருந்ததாகவும், கடன் தருவதாக கூறி வீட்டுக்கு வந்த அவர் , கடனை திருப்பி தரவேண்டாம் என்று தன்னை கட்டிப்பிடித்து தப்பாக நடக்க முயன்றதாகவும், தான் அவரது கையை தட்டி விட்டு தப்பியதாகவும் தெரிவித்து இருந்தார்.

ஆரோக்கியசாமி தனக்கு ஏற்கனவே அறிமுகமானவர் என்றும் ஒரு நிறுவனத்தில் வேலை வாங்கி கொடுத்தவர் என்ற நம்பிக்கையிலும் அவரை வீட்டிற்குள் அனுமதித்ததாக தெரிவித்த அந்த பெண், தனக்கு மனைவி இல்லை எனக்கூறிய அவர், பணத்தை அன்பளிப்பாக தருவதாக கூறி தன்னிடம் அத்துமீறலில் ஈடுபட்டதாக தனது புகாரில் தெரிவித்துள்ளார்

அந்த பெண் போலீசாரிடம் அளித்துள்ள வீடியோவில், தனக்கு பாலியல் தொல்லை கொடுத்த ஓய்வு பெற்றதலைமை ஆசிரியர் ஆரோக்கிய சாமி மேலும் சில பெண்களிடமும் இதே போல பணம் தருவதாக கூறி வீடுகளுக்கு சென்று அத்துமீறலில் ஈடுபட்டதாகவும் அவருக்கு தக்க பாடம் கற்பிக்க முடிவு செய்து உஷாராக வீடியோ பதிவு செய்ததாக தெரிவித்தார்

அதே நேரத்தில் இந்த சம்பவம் குறித்து போலீசில் புகார் அளிப்பதற்கு முன்னதாகவே, சமூக வலைதளங்களில் இந்த வீடியோ பகிரப்பட்டது. வீடியோவில் அவர் அத்துமீற முயலும் போது சம்பந்தப்பட்ட பெண் சிரித்தபடியே அவரிடம் இருந்து தப்ப முயல்வது போல உள்ளதால், சம்பந்தப்பட்ட பெண்ணை வைத்து ஓய்வு பெற்ற தலைமை ஆசிரியர் ஆரோக்கிய சாமியை , யாராவது வீடியோ எடுக்க வைத்து பிளாக் மெயில் செய்தார்களா ? என்ற கோணத்திலும் போலீசார் விசாரணையை முன்னெடுத்தனர்.

போலீஸ் விசாரணையில் சம்பத்குமார் என்பவரின் ஆயுர்வேத கிளினிக்கில் சம்பந்தப்பட்ட பெண்ணை பணிக்கு சேர்த்து விட்டதை ஒப்புக் கொண்ட ஆரோக்கியசாமி, தன்னிடம் கடன் கேட்ட பெண்ணிடம், பணம் தருவதற்காக ஏ.டி.எம் சென்டருக்கு அழைத்ததாகவும் , அந்த பெண் தான் வீட்டில் தனியாக இருப்பதாக கூறி தன்னை அழைத்ததாக ஆரோக்கிய சாமி போலீசில் தெரிவித்தார்

மேலும் கடந்த 6ந்தேதி காலை தனக்கு தெரியாமல் எடுக்கப்பட்ட இந்த வீடியோவை வைத்து சம்பத்குமாருக்கு தான் ஏற்கனவே கடனாக வழங்கி இருந்த 17 லட்சம் ரூபாய் வட்டி பணத்தை கழித்து விடச்சொல்லி பேரம் பேசியதாகவும் அவர் போலீசாரிடம் தெரிவித்ததாக கூறப்படுகின்றது. இருந்தாலும் ஒரு பெண்ணிடம் வீடு புகுந்து அத்துமீறலில் ஈடுபட்டது குற்றம் என்பதால் ஓய்வு பெற்ற தலைமை ஆசிரியர் ஆரோக்கிய சாமியை கைது செய்துள்ளதாக போலீசார் தெரிவித்தனர்.