சற்றுமுன்
நடிகர் சயிஃப் அலிகானுக்கு அடுத்த அதிர்ச்சி.. ரூ.15,000 கோடி சொத்துகள் கைவிட்டுப் போகும் நிலை
Jan 23, 2025 02:49 AM
186
நடிகர் சயிஃப் அலிகானுக்கு அடுத்த அதிர்ச்சி.. ரூ.15,000 கோடி சொத்துகள் கைவிட்டுப் போகும் நிலை
போபால் நவாப் குடும்பத்தின் கடைசி வாரிசான பாலிவுட் நடிகர் சயீப் அலிகான் மற்றும் அவரது குடும்பத்தினருக்கு சொந்தமான 15 ஆயிரம் கோடி ரூபாய் சொத்துகளை அரசு கையகப்படுத்தும் சூழல் உருவாகி உள்ளது. போபால் பட்டோடி குடும்பத்தைச் சேர்ந்த சையிப் அலிகானுக்கும் அவரது குடும்பத்தினருக்கும் போபாலில் மிகப்பெரிய அரண்மனை உட்பட நாடு முழுவதும் பல ஆயிரம் கோடி ரூபாய் அளவுக்கு சொத்துகள் உள்ளன.
தேச பிரிவினையின்போது சையிஃப் அலிகானின் பெரியம்மா அபிதா சுல்தான் பாகிஸ்தான் சென்றதால் அவரது பங்காக இங்குள்ள 15 ஆயிரம் கோடி ரூபாய் சொத்துகள் 1968ஆம் ஆண்டில் இயற்றப்பட்ட எனிமிஸ் ஆக்ட் எனப்படும் எதிரி சொத்துகள் என்ற சட்டத்தின் கீழ் வந்துள்ளன. இந்த நிலங்களை மத்திய அரசு கையகப்படுத்த முடிவு செய்துள்ளதாகக் கூறப்படுகிறது.
அதனை எதிர்த்து சயீப் அலிகான், அவரது சகோதரிகள், தாயார் ஷர்மிளா தாகூர் சார்பில் மத்திய பிரதேச உயர்நீதிமன்றத்தில் கடந்த 2015ம் ஆண்டு முறையீடு செய்யப்பட்டது. மனுவை விசாரித்த, உயர்நீதிமன்றம், மத்திய அரசின் நோட்டீசுக்கு தடை விதித்தது. விசாரணை முடிவில் சயீப் அலிகான் மனுவை தள்ளுபடி செய்த உயர்நீதிமன்றம், சொத்து வேண்டும் என்றால், சயீப் அலிகான் தரப்பினர் 30 நாட்களுக்குள் தீர்ப்பாயத்தில் மேல்முறையீடு செய்து நிவாரணம் பெற்றுக் கொள்ளலாம் என அறிவித்தது.
30 நாட்கள் கடந்தும் சயீப் அலிகான் முறையீடு செய்யவில்லை என தகவல் வெளியாகி உள்ள நிலையில், அவர் குழந்தை பருவத்தை கழித்த வீடு, நூர் உஷ் சபா அரண்மனை, பங்களா, ஆமதாபாத் அரண்மனை உள்ளிட்ட 15 ஆயிரம் கோடி ரூபாய் மதிப்புள்ள சொத்துகளை அரசு கையகப்படுத்தும் சூழல் ஏற்பட்டு உள்ளது.
SHARE
Max characters : 500
RELATED POSTS
ABOUT US
Polimer News is an Indian television channel based in Chennai, India. It was launched by Kalyana Sundaram as a local TV station in Salem, which was carried only on subscription providers. It later changed its programming to an entertainment network and expanded its coverage area to the whole State of Tamil Nadu
@2025 - Polimernews.com. All Right Reserved. Designed and Developed by Polimer News