தமிழ்நாடு
பரந்தூர் விமான நிலைய திட்டத்திற்கு எதிர்ப்பு தெரிவிப்பவர்களுடன் விஜய் சந்திப்பு
Jan 20, 2025 02:32 PM
95
பரந்தூர் விமான நிலைய திட்டத்திற்கு எதிர்ப்பு தெரிவிப்பவர்களுடன் விஜய் சந்திப்பு
பரந்தூர் விமான நிலைய திட்டத்திற்கு எதிர்ப்பு தெரிவித்து போராட்டத்தில் ஈடுபட்டு வரும் மக்களை சந்தித்து த.வெ.க. தலைவர் விஜய் ஆதரவு தெரிவித்தார். ஏகனாபுரம் உள்பட பரந்தூர் விமான நிலைய திட்டத்திற்கு எதிராக போராட்டத்தில் ஈடுபடும் 13 கிராமங்களைச் சேர்ந்தவர்களை மேலப்பொடவூரில் உள்ள திருமண மண்டப வளாகத்தில் விஜய் சந்தித்தார்.
தனது பிரச்சார வாகனத்தில் நின்றபடி பேசிய விஜய், பரந்தூருக்கு பதில் மக்களுக்கு குறைவான பாதிப்பு ஏற்படும் இடத்தில் விமான நிலையத்தை அமைக்க வேண்டும் என்றும் அவர் வலியுறுத்தினார்.
டங்ஸ்டன் சுரங்கத்திற்கு எதிராக சட்டமன்றத்தில் தீர்மானம் கொண்டுவரப்பட்ட நிலையில் பரந்தூரில் மட்டும் வேறு தமிழக அரசு வேறு நிலைப்பாட்டை கொண்டிருப்பது ஏன்? என விஜய் கேள்வி எழுப்பினார்.
எதிர்கட்சியாக இருந்த போது ஒரு நிலைப்பாடு, ஆளும்கட்சியாக வந்த போது ஒரு நிலைப்பாடு கொண்டுள்ள தி.மு.க., மக்கள் நம்பும் வகையில் நாடகம் போடுவதில் கில்லாடிகள் என்றும் விஜய் விமர்சித்தார்.
பரந்தூர் மக்களை நேரடியாக சந்திக்க ஊருக்குள் செல்ல தனக்கு தடை விதிக்கப்பட்டது ஏன் என்று தெரியவில்லை? என வினவிய விஜய், மீண்டும் ஒருநாள் போராட்டம் நடைபெறும் ஏகனாபுரம் கிராமத்திற்குள் வருவேன் என்றார்.
பின்னர் விஜயை சந்தித்து நெல் மணிகளை வழங்கிய விவசாயிகள் தங்களது பிரச்சனைகளை தெரிவித்தனர்.
SHARE
Max characters : 500
RELATED POSTS
ABOUT US
Polimer News is an Indian television channel based in Chennai, India. It was launched by Kalyana Sundaram as a local TV station in Salem, which was carried only on subscription providers. It later changed its programming to an entertainment network and expanded its coverage area to the whole State of Tamil Nadu
@2025 - Polimernews.com. All Right Reserved. Designed and Developed by Polimer News