தமிழ்நாடு
கொம்போடும், தெம்போடும்.... அனல் பறந்த அவனியாபுரம்
Jan 15, 2025 12:37 AM
197
கொம்போடும், தெம்போடும்.... அனல் பறந்த அவனியாபுரம்
மதுரை மாவட்டம் அவனியாபுரத்தில் நடைபெற்ற ஜல்லிக்கட்டு போட்டியில் தமிழர்களின் வீரக்கலைகளில் ஒன்றான ஏறு தழுவுதல் வீரம் செறிந்த நிகழ்வாக அரங்கேறியது.
தை மாதம் முதல் நாளில் களம் காணும் என்ற பெருமை கொண்ட மதுரை மாவட்டம் அவனியாபுரத்தில் நடப்பு ஆண்டில் முன்கூட்டியே போட்டிகள் தொடங்கின. காலை 5 மணிக்கே ஏற்பாடுகள் தொடங்கி, மாடுபிடி வீரர்களுக்கு மருத்துவ பரிசோதனை, வாடிவாசல் பூஜை, காளைகளுக்கு மருத்துவ பரிசோதனை என அனைத்தும் முடிந்து, தொடங்கியது போட்டி...
வாடிவாசல் திறந்து வாலை முறுக்கி காளைகள் சீறிப் பாய்ந்தன. சில காளைகள் நெற்றியில் தொட்டால் குத்த பாய்ந்தன. சில வயிற்றைத் தொட்டாலே உதைத்தன
காளைகளின் சீற்றமோ, அதன் தோற்றமோ,பொருட்டே இல்லை என்பது போல, வீரர்களும் வீரத்தை காட்ட, விறுவிறுப்பாக நடந்தது அவனியாபுரம் ஜல்லிக்கட்டு.
நின்று விளையாடிய காளைகளுக்கும், வென்று காட்டிய வீரர்களுக்கும் களத்தில் பரிசு மழை பொழிந்தது.சைக்கிள், அண்டா, தங்க காசு என பொருட்களுடன், பணக்கட்டுகளும் பரிசாக வழங்கப்பட்டன.
ஜல்லிக்கட்டில் அதிக காளைகளை பிடித்து முதலிடத்தை பெற்ற வீர ருக்கு காரும், களத்தில் நன்றாக விளையாடிய காளையின் உரிமையாளருக்கு டிராக்டரும் பரிசாக வழங்கப்பட்டன..
போட்டியை காலை முதல் மாலை வரை தொகுத்து வழங்கிய புதுக்கோட்டையைச் சேர்ந்த செங்குட்டுவன், அவரது இயல்பான அசத்தலான வர்ணைகளுக்காக இந்த முறையும் பாராட்டுகளை பெற்றார்.
SHARE
Max characters : 500
RELATED POSTS
ABOUT US
Polimer News is an Indian television channel based in Chennai, India. It was launched by Kalyana Sundaram as a local TV station in Salem, which was carried only on subscription providers. It later changed its programming to an entertainment network and expanded its coverage area to the whole State of Tamil Nadu
@2025 - Polimernews.com. All Right Reserved. Designed and Developed by Polimer News