சென்னை சமூக நலக்கூடம் வேண்டாம்... மருத்துவமனையோ, காவல் நிலையமோ கட்டித் தாருங்கள் பொதுமக்கள் கோரிக்கை
காஷ்மீர் சிறப்பு அந்தஸ்து ரத்துக்கு எதிரான வழக்குகள் ஆக.2 முதல் உச்சநீதிமன்றம் தொடர் விசாரணை
ஜம்மு காஷ்மீருக்கு சிறப்பு அந்தஸ்து அளிக்கும் சட்டப்பிரிவு 370 ரத்து செய்யப்பட்டதற்கு எதிராக தொடரப்பட்ட வழக்குகள் ஆகஸ்ட் 2 ஆம் தேதி முதல் தொடர்ச்சியாக விசாரிக்கப்படும் என உச்சநீதிமன்றம் அறிவித்துள்ளது.
2019 ஆம் ஆண்டு ஜம்மு காஷ்மீருக்கான சிறப்பு அந்தஸ்து ரத்து செய்யப்பட்டு மாநிலம் இரண்டாக பிரிக்கப்பட்டது. இதை எதிர்த்து உச்சநீதிமன்றத்தில் பல்வேறு வழக்குகள் தாக்கல் செய்யப்பட்டன.
3 ஆண்டுகளாக விசாரிக்கப்படாமல் இருந்த இந்த வழக்குகள், இந்த ஆண்டு இறுதிக்குள் ஜம்மு காஷ்மீரில் சட்டப்பேரவை தேர்தல் நடத்தப்படவேண்டியுள்ளதால் இன்று விசாரணைக்கு எடுத்துகொள்ளப்பட்டன.
அப்போது, உச்சநீதிமன்ற தலைமை நீதிபதி சந்திரசூட் தலைமையிலான 5 நீதிபதிகள் அடங்கிய அரசியல் சாசன அமர்வு, இந்த வழக்குகள் ஆகஸ்ட் 2 ஆம் தேதி முதல் விசாரிக்கப்படும் என அறிவித்தது.
வழக்குகள் தொடர்பான ஆவணங்கள் அனைத்தையும் வரும் 27ஆம் தேதிக்குள் சமர்ப்பிக்க நீதிபதிகள் உத்தரவிட்டுள்ளனர்.
RELATED POSTS
Comments