சரிவிலிருந்து மீண்டு வரும் அதானி குழுமம்.. நிறுவன பங்குகள் விற்பனை 20 சதவீதம் உயர்வு

Feb 07, 2023 03:59:52 PM 0 2771

தொடர்ந்து கடும் வீழ்ச்சியை சந்தித்து வந்த அதானி குழுமத்தின் பங்குகள் விற்பனை, இன்று 20 சதவீதம் வரையில் உயர்ந்தது.

அமெரிக்காவைச் சேர்ந்த பங்குச்சந்தை முதலீட்டு நிறுவனமான ஹிண்டன்பெர்க் வெளியிட்ட ஆய்வறிக்கைக்குப் பிறகு,
அதானி குழுமத்தின் பங்குகள் 1 வாரத்திற்கும் மேலாக கடும் வீழ்ச்சியை சந்தித்ததால், உலக பணக்காரர்கள் வரிசையில் 2ம் இடத்திலிருந்து 20வது இடத்திற்கும் கீழே கவுதம் அதானி தள்ளப்பட்டார்.

இந்நிலையில் மும்பை பங்குச்சந்தையில் அதானி எண்டர்பிரைசஸ் நிறுவனத்தின் பங்குகள் 20 சதவீதம் உயர்வுடன் வர்த்தகமானதாகவும், இதனால், 3 முறை விற்பனை நிறுத்தி வைக்கப்பட்டதாகவும் தெரிவிக்கப்பட்டது.

அதேபோன்று, அதானி டிரான்ஸ்மிஷன், அதானி வில்மர் பங்குகள் தலா 5 சதவீதம் அதிகரித்த நிலையில், மாறாக அதானி கேஸ் பங்கின் விலை மேலும் 5 சதவீதம் சரிவை சந்தித்தது.

சுமார் 110 கோடி அமெரிக்க டாலர் மதிப்பிலான கடன்களை முன்கூட்டியே திருப்பிச்செலுத்துவதாக அதானி வெளியிட்ட அறிவிப்பு முதலீட்டாளர்களிடையே நம்பிக்கையை ஏற்படுத்தி உள்ளதாக கூறப்படுகிறது.