ஓசியில் பயணிக்க மாட்டேன் என நடத்துநரிடம் தகராறு செய்த மூதாட்டி மீது வழக்குப்பதிவு செய்யப்படவில்லை - கோவை எஸ்.பி விளக்கம்

0 6296

கோவை மதுக்கரையில் அரசு பேருந்தில் இலவச பயணச்சீட்டு வேண்டாமெனக் கூறி நடத்துனரிடம் தகராறு செய்த மூதாட்டி மீது வழக்குப்பதிவு செய்யப்படவில்லை என கோவை எஸ்.பி விளக்கமளித்துள்ளார்.

அரசு பேருந்தில் மூதாட்டி ஒருவர், ஓசியில் பயணிக்க மாட்டேன் எனக்கூறி நடத்துனரிடம் தகராறு செய்ததை அதிமுக தகவல் தொழில் நுட்ப பிரிவு நிர்வாகி ஒருவர் வீடியோ எடுத்து சமூக வலைதளங்களில் வெளியிட்டார்.

இது தொடர்பாக திமுகவினர் அளித்த புகாரின் பேரில், மூதாட்டி உட்பட 4 பேர் மீது வழக்கு பதியப் பட்டதாக மாவட்ட காவல் துறையினர் முதலில் தகவல் அளித்த நிலையில், இதற்கு பாஜக மாநிலத் தலைவர் அண்ணாமலை கண்டனம் தெரிவித்திருந்தார். இந்த நிலையில் மூதாட்டி மீது வழக்கு பதிவு செய்யப்படவில்லை என்றும் பொய்யாக பரவும் தகவலை நம்ப வேண்டாமென கோவை எஸ்.பி தெரிவித்துள்ளார்.

SHARE
RELATED POSTS
Click to comment
LEAVE COMMENT
SUBMIT

Comments