மெரினா கடற்கரையில் ஒருவரை துரத்தித் துரத்தி வெட்டிய ரவுடிக் கும்பல்..!

0 25287

சென்னை மெரினா கடற்கரையில் திருமண போட்டோ ஷூட் நடத்த வந்த புகைப்பட கலைஞரின் செல்போனைக் கேட்டு மிரட்டி, அவரை பட்டாக்கத்தியால் வெட்டிய 3 சிறுவர்கள் உட்பட 4 பேரை போலீசார் கைது செய்தனர்.

திருமுல்லைவாயலைச் சேர்ந்த இளமாறன் என்ற இளைஞர் தனது நண்பரின் திருமண நாள் போட்டோ ஷூட் எடுக்க காலையில் நண்பர்கள் சிலருடன் நம்ம சென்னை பாயிண்ட் அருகே வந்துள்ளார்.

அங்கு வந்த அடையாளம் தெரியாத சிலர் இளமாறனின் செல்போனைக் கேட்டு பட்டாக்கத்தியை காட்டி மிரட்டியதோடு, போனை கொடுக்க மறுத்த இளமாறனை, அங்கு நடைபயிற்சி மேற்கொண்டிருந்தவர்கள் கண்முன்னே இடது கையில் வெட்டியுள்ளனர்.

அவர்களிடம் இருந்து தப்பித்த இளமாறனை மீட்டு மருத்துவமனைக்கு அனுப்பி வைத்த பொதுமக்கள், போலீசில் அளித்த புகாரின் பேரில், நொச்சிக்குப்பத்தைச் சேர்ந்த ஆனந்த் என்பவனையும் 3 சிறுவர்களையும் பிடித்து போலீசார் விசாரித்து வருகின்றனர்.

SHARE
RELATED POSTS
Click to comment
LEAVE COMMENT
SUBMIT

Comments