சாலையில் நடந்து சென்றவரை காலால் எட்டி உதைத்து ரவுடியீசம்.. ஆயுதங்களுடன் தகராறு..! அடாவடி புள்ளிங்கோக்களுக்குமாவுக்கட்டு..!

0 6242

பட்டுக்கோட்டையில் சாலையில் நடந்து சென்ற இளைஞரை காலால் எட்டி உதைத்துவிட்டு, ஆயுதங்களுடன் வந்து ரவுடியீசம் செய்த கும்பலில் 2 பேரை கைது செய்த போலீசார், இருவரும் தப்பியோட முயன்றபோது தவறிவிழுந்ததாக கூறி, மாவுக்கட்டு போட்டுள்ளதாக கூறியுள்ளனர்.

முத்துகுமார் என்பவர் வடசேரி ரோடு பகுதியில் நடந்து சென்ற போது, அவ்வழியாக பைக்கில் வந்த 3 பேர் வேண்டுமென்றே வம்புக்கு இழுத்து முத்துகுமாரை காலால் எட்டி உதைத்து தாக்கியதாக கூறப்படுகிறது. இதனையடுத்து, அப்பகுதியைச் சேர்ந்தவர்கள் சத்தம்போட்டு சண்டையை விலக்கியுள்ளனர்.

அங்கிருந்து தப்பிச் சென்ற மூவரும் மேலும் சிலரை கும்பலில் சேர்த்துக் கொண்டு ஆயுதங்களை எடுத்து வந்து அதே இடத்தில் தகராறு செய்துள்ளனர். இந்த நிலையில், காட்டாற்றுகரையில் அந்த கும்பல் பதுங்கியிருப்பதாக கிடைத்த தகவலின் பேரில் அங்கு போலீசார் சென்றனர்.

அங்கு ரவுடி கும்பல் தப்பியோட முயன்ற நிலையில், இரண்டு பேருக்கு கீழே விழுந்து கை முறிவு ஏற்பட்டது. அவர்களை மீட்டு போலீசார் மாவுக்கட்டு போட்டு சிறையிலடைத்தனர்.

SHARE
RELATED POSTS
Click to comment
LEAVE COMMENT
SUBMIT

Comments