இரவு நேரத்தில் வனப்பகுதியில் வழிபாடு; நரபலி கொடுக்க முயற்சியா! என பொதுமக்கள் சந்தேகம்

0 2367

தென்காசி மாவட்டம் ஆழ்வார்குறிச்சி அருகே, வனப்பகுதியில் இரவு நேரத்தில் குழந்தையை நரபலி கொடுக்க முயற்சிப்பதாக எழுந்த சந்தேகத்தில், ஒரு சாமியார், ஒரு ஆண், ஒரு பெண் மற்றும் 2 சிறுமிகளை பொதுமக்கள் போலீசாரிடம் ஒப்படைத்தனர்.

கடனாநதி அணைக்குச் செல்ல பொதுமக்களுக்கு தடை விதிக்கப்பட்டு 24 மணி நேரமும் காவல் போடப்பட்டுள்ளது. இந்நிலையில் நேற்று இரவு 11 மணியளவில் கார் ஒன்று அணைப் பகுதிக்குச் சென்றதாகவும், வயல் காவலுக்கு இருந்த சிலர், அதைப் பார்த்து பின்தொடர்ந்து சென்று பார்த்ததாகவும் கூறப்படுகிறது.

காவி உடை அணிந்த முதியவர், கைக்குழந்தையை தலைகீழாகத் தூக்கிப் பிடித்தபடி ஊதுபத்திக் காட்டிக் கொண்டிருந்ததை பார்த்து, போலீசாருக்குத் தகவல் கொடுத்துள்ளனர்.

போலீசார் வந்தபோது அங்கு திரண்டிருந்த பொதுமக்கள், சுற்றுலாப் பயணிகள் உள்ளிட்டோருக்கு அனுமதி இல்லாத நிலையில் சாமியார் எப்படி அணைக்கு வந்தார், அதிகாரிகள் உடந்தையா என்று கூறி வாக்குவாதத்தில் ஈடுபட்டதாகக் கூறப்படுகிறது.

அவர்களை சமாதானப்படுத்திய போலீசார் 5 பேரையும் ஆழ்வார்குறிச்சி காவல் நிலையத்திற்கு அழைத்து சென்று விசாரித்துள்ளனர்.

விசாரணையில், சிவகாசியை சேர்ந்த முதியவர், கடனாநதி வனப்பகுதியில் உள்ள அத்ரி கோயிலுக்கு 20 ஆண்டுகளாக வந்து செல்பவர் என்றும், மகன், மருமகள், பேத்திகள், கைக்குழந்தையுடன் வழிபாட்டுக்கு வந்தவர் என்பதும் தெரியவந்துள்ளது.

SHARE
RELATED POSTS
Click to comment
LEAVE COMMENT
SUBMIT

Comments