அடுத்த 5 நாட்களுக்கு தமிழகத்தின் பல மாவட்டங்களில் மழைக்கு வாய்ப்பு ; சென்னை வானிலை ஆய்வு மையம்

0 3343
அடுத்த 5 நாட்களுக்கு தமிழகத்தின் பல மாவட்டங்களில் மழைக்கு வாய்ப்பு

தென்மேற்கு பருவ காற்று மற்றும் வெப்ப சலனம் காரணமாக மேற்கு தொடர்ச்சி மலையை ஒட்டிய மாவட்டங்கள், தென் மாவட்டங்கள், சென்னை, திருவள்ளூர், காஞ்சிபுரம், செங்கல்பட்டு, விழுப்புரம் மாவட்டங்களின் சில பகுதிகள் மற்றும் சேலம் மாவட்டத்தின் ஓரிரு இடங்களில் அடுத்த 5 நாட்களுக்கு இடி மின்னலுடன் கூடிய லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.

சென்னையில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும், நகரின் ஒருசில பகுதிகளில் லேசான மழை பெய்யக்கூடும். வரும் 14 ஆம் தேதி வரை மத்திய வங்க கடல் மற்றும் தெற்கு அந்தமான் கடல் பகுதிகளிலும், தென் மேற்கு மற்றும் மத்திய மேற்கு அரபிக்கடல் பகுதிகளிலும் 55 கிமீ வேகம் வரை பலத்த காற்று வீசலாம் என்பதால் மீனவர்கள் அந்தப் பகுதிகளுக்கு செல்ல வேண்டாம் என அறிவுறுத்தப்படுகிறார்கள்.

 

SHARE
RELATED POSTS
Click to comment
LEAVE COMMENT
SUBMIT

Comments