எஸ்.பி.ஐ. ATM-ல் கைவரிசை.. சிகரம் தொடு பட பாணியில் திருடியவர்களை சீக்கிரம் பிடிக்க போலீசார் வடமாநிலம் விரைவு!

0 3002

மிழகம் முழுவதும் எஸ்.பி.ஐ. வங்கி டெபாசிட் மிஷின்களில் நூதன முறையில் இதுவரை 48லட்சம் ரூபாய் கொள்ளையடிக்கபட்டுள்ளதாக காவல்துறை தெரிவித்துள்ளது. முதற்கட்ட விசாரணையில் கொள்ளை கும்பல் வேறு மாநிலத்தை சேர்ந்தவர்கள் என தெரியவந்துள்ளதால், அவர்களை பிடிக்க தனிப்படை வடமாநிலம் விரைந்துள்ளது.

எஸ்பிஐயின் பணம் டெபாசிட் செய்யும் எந்திரத்தில் பணம் எடுக்கவும் முடியும். ஏ.டி.எம். அட்டையை மிஷினுக்குள் செலுத்தி, எடுக்க வேண்டிய தொகையை 20 நொடிகளுக்குள் எடுக்கவில்லை எனில் மீண்டும் பணம் உள்ளேயே திரும்பிவிடும். இந்த தொழில்நுட்பத்தை அறிந்து கொண்ட கொள்ளையர்கள், பணம் வந்தவுடன் 20 நொடி வரை அதை எடுக்காமல் இருந்துவிட்டு, அதன்பின் பணம் மீண்டும் உள்ளே செல்லும் போது, சென்சார் பகுதியில் விரல்களை வைத்து தடுத்து நிறுத்தி பணத்தை மட்டும் எடுத்து விடுவார்கள். 20 நொடிக்குள் பணம் எடுக்கப்படாததால் ஏ.டி.எம். மிஷினும் பணத்தை வாடிக்கையாளர் எடுக்க வில்லை என கருதிவிடும். இதனால், சம்பந்தப்பட்ட வங்கிக் கணக்கில் இருப்பு தொகை குறையாது. இந்த தொழில்நுட்பத்தை அறிந்து கொண்டு பல லட்சம் ரூபாய் வரை கொள்ளையடித்த மர்ம நபர்களை பிடிக்க இரண்டு தனிப்படைகள் அமைக்கப்பட்டுள்ளன.

இந்த நிலையில் கொள்ளை தொடர்பாக எஸ்பிஐ வங்கியின் சென்னை மண்டல முதன்மை பொது மேலாளர் ராதாகிருஷ்ணன் சென்னை காவல் ஆணையர் சங்கர் ஜிவாலை சந்தித்து புகார் அளித்தார். பின்னர், இருவரும் கூட்டாக செய்தியாளர்களை சந்தித்தனர்.

முதற்கட்ட விசாரணையில், இந்த கும்பல் வேறு மாநிலத்தை சேர்ந்தவர்கள் என தெரிய வந்திருப்பதாகவும், சிசிடிவி காட்சிகளை வைத்து மோசடி கும்பலை பிடிக்க தனிப்படை அமைக்கப்பட்டு விசாரணை நடைபெற்று வருவதாக காவல் ஆணையர் சங்கர் ஜிவால் தெரிவித்தார். 

தொடர்ந்து செய்தியாளர்களின் கேள்விக்கு பதிலளித்த எஸ்பிஐ வங்கியின் தலைமை பொது மேலாளர் ராதாகிருஷ்ணன் பணம் செலுத்தும் எந்திரங்களில் எஸ்பிஐ வங்கி இரண்டு வகையான எந்திரங்களை பயன்படுத்துவதாகவும், அதில் ஜப்பான் நாட்டின் ஓ.கே.ஐ. என்ற நிறுவனம் தயாரித்துக் கொடுத்த ஒரு வகை டெபாசிட் எந்திரத்தில் மட்டுமே கொள்ளை நடந்துள்ளதாகவும் தெரிவித்தார். 

இதனிடையே, கொள்ளை கும்பலை பிடிக்க அமைக்கப்பட்ட 2 தனிப்படைகள் வடமாநிலம் விரைந்துள்ளன. 

SHARE
RELATED POSTS
Click to comment
LEAVE COMMENT
SUBMIT

Comments