ஆட்சியமைக்கும் திமுக... வாழ்த்து மழையில் மு.க.ஸ்டாலின்..!

0 1419

மிழகத்தில் நடந்து முடிந்த சட்டமன்ற தேர்தலில், அறுதி பெரும்பான்மைக்கும் அதிகமான இடங்களில் வெற்றி பெற்று திமுக ஆட்சியமைக்கவுள்ள நிலையில், முதலமைச்சராக பதவி ஏற்க இருக்கும் மு.க.ஸ்டாலினை பல்வேறு அரசியல் தலைவர்கள், திரையுலகினர் நேரில் சந்தித்து வாழ்த்து தெரிவித்து வருகின்றனர்.

தமிழக சட்டமன்ற தேர்தலில் திமுக கூட்டணி அமோக வெற்றியை பெற்று ஆட்சியை பிடித்துள்ளது. இந்த நிலையில், சென்னை அறிவாலயத்தில் மு.க.ஸ்டாலினை சந்தித்த மதிமுக பொதுச்செயலாளர் வைகோ, திமுக வெற்றி பெற்றதற்கு வாழ்த்து தெரிவித்துக் கொண்டார். திமுக கூட்டணியில் மதிமுக சார்பில் போட்டியிட்டு வெற்றி பெற்ற 4 எம்.எல்.ஏ.க்களும் மு.க.ஸ்டாலினை சந்தித்து வாழ்த்து பெற்றுக் கொண்டனர்.

தொடர்ந்து, திமுக கூட்டணியில் திருச்செங்கோடு தொகுதியில் போட்டியிட்டு வெற்றி பெற்ற கொங்குநாடு மக்கள் தேசிய கட்சி பொதுச்செயலாளர் ஈஸ்வரன், மு.க.ஸ்டாலினை சந்தித்து வாழ்த்து கூறினார்.

இதேபோன்று, அகில இந்திய பார்வேர்டு பிளாக் கட்சி தலைவர் கதிரவன், மலையாள நடிகர் ஜெயராமன் மற்றும் சென்னையை சேர்ந்த திருநங்கைகள் ஆகியோரும் முதலமைச்சராக பதவியேற்கும் மு.க.ஸ்டாலினை சந்தித்து வாழ்த்து தெரிவித்தனர்.

முன்னதாக, ஆழ்வார்பேட்டை சித்தரஞ்சன் சாலையிலுள்ள வீட்டில் மு.க.ஸ்டாலினை சந்தித்த திராவிடர் கழக தலைவர் கி.வீரமணி வாழ்த்து தெரிவித்தார்.

SHARE
RELATED POSTS
Click to comment
LEAVE COMMENT
SUBMIT

Comments