திரைப்பட இயக்குநர் கே.வி.ஆனந்த் மாரடைப்பால் காலமானார்

0 6281
திரைப்பட இயக்குநர் கே.வி.ஆனந்த் மாரடைப்பால் காலமானார்

பிரபல திரைப்பட இயக்குனரும், ஒளிப்பதிவாளருமான கே.வி.ஆனந்த் மாரடைப்பால் சென்னையில் காலமானார். அவருக்கு வயது 54

பத்திரிகைகளுக்கு புகைப்படம் எடுக்கும் கலைஞராக தமது வாழ்வைத் தொடங்கியவர் கே.வி.ஆனந்த். பிரபல தமிழ் ஆங்கில இதழ்களில் பணியாற்றிய அவர் ,1994ம் ஆண்டில் மோகன்லால் நடித்த தென்மாவின் கொம்பத்து மலையாளப் படத்துக்கு ஒளிப்பதிவாளரானார். முதல் படத்திலேயே சிறந்த ஒளிப்பதிவாளருக்கான தேசிய விருதையும் பெற்றார். தொடர்ந்து மலையாளம் தெலுங்குப் படங்களுக்கு ஒளிப்பதிவு செய்த அவர் காதல் தேசம் படத்தில் ஒளிப்பதிவாளரானார்.

ஷங்கரின் முதல்வன், ரஜினி நடித்த சிவாஜி போன்ற படங்களுக்கு ஒளிப்பதிவாளராகப் பணியாற்றிய ஆனந்த், 2005ம் ஆண்டு கனா கண்டேன் மூலம் இயக்குனரானார்.

அயன் படத்தை இயக்கிய கே.வி.ஆனந்தின் திரையுலக வாழ்வில் முக்கியத் திருப்பமாக அப்படம் அமைந்தது.

மாற்றான், காப்பான், அனேகன், கோ , விஜய் கவண் உள்ளிட்ட வெற்றிப் படங்களையும் இயக்கிய கே.வி.ஆனந்த் தமது தொழில்நுட்பத் திறனாலும் திரைக்கதையை விறுவிறுப்பாக கொண்டு செல்லும் விதத்தாலும் தனி முத்திரை பதித்தார்.

மாரடைப்பு காரணமாக 54 வயதிலேயே உயிரிழந்த கே.வி.ஆனந்த் மறைவுக்கு திரையுலகினர் ஆழ்ந்த இரங்கலை தெரிவித்துள்ளனர்

 

SHARE
RELATED POSTS
Click to comment
LEAVE COMMENT
SUBMIT

Comments