அந்தரங்க படத்தை வெளியிட்டு மனைவிக்கு மிரட்டல்: சைக்கோ கணவர் கைது

0 6267
அந்தரங்க படத்தை வெளியிட்டு மனைவிக்கு மிரட்டல்: சைக்கோ கணவர் கைது

சென்னை வில்லிவாக்கத்தில் மனைவியின் அந்தரங்க (நிர்வாண) படத்தை
சமூகவலைதளங்களான பேஸ்புக், வாட்ஸ் அப்பில் பகிர்ந்து, 10 லட்சம் வரதட்சணை கேட்டு மிரட்டியதாக சைக்கோ கணவரை போலீசார் கைது செய்தனர்.

வில்லிவாக்கத்தை சேர்ந்த 28 வயதான பெண் ஒருவர் கடந்த 2010- ம் ஆண்டு திருமணமாகி, கணவர் கொடுமை தாங்க முடியாமல் பிரிந்து வாழ்ந்து வந்தார். பின்னர் தனியார் நிறுவனம் ஒன்றில் பணிபுரிந்தபோது அவருக்கும் தனியார் இன்சூரன்ஸ் நிறுவனத்தில் பணிப்புரிந்த திருவொற்றியூரைச் சேர்ந்த விஜயபாரதிக்கும் 2015ம் ஆண்டு பழக்கம் ஏற்பட்டுள்ளது.

கடந்த ஜனவரி மாதம் பெற்றோர் சம்மதத்துடன் இருவரும் திருமணம் செய்த நிலையில், வரதட்சனையாக 25 சவரன் தங்க நகை மற்றும் இருசக்கர வாகனம் , ஏசி உள்ளீட்ட சீர் வரிசை பொருட்களை பெண் வீட்டார் வழங்கியுள்ளனர். திருமணத்துக்கு பிறகு இருவரும் அயனாவரத்தில் தனியாக வீடு வாடகைக்கு எடுத்து வாழ்ந்து வந்துள்ளனர்.

இந்த நிலையில், விஜயபாரதி சொந்தமாக தொழில் தொடங்க வேண்டும் எனவும், அதற்கு 10 லட்ச ரூபாய் வேண்டும் எனவும் கேட்டு துன்புறுத்த தொடங்கியதாகவும், இதனால் அந்த பெண் கடந்த ஜூலை மாதம் வில்லிவாக்கத்தில் உள்ள தனது பெற்றோர் வீட்டிற்கு வந்துவிட்டதாகவும் கூறப்படுகிறது.

அதன்பிறகும் விடாமல் தொலைபேசி மூலம் பணம் கேட்டு விஜயபாரதி மிரட்டியதாகவும், உச்சக்கட்டமாக கடந்த மாதம் 6-ஆம் தேதி நேரில் வந்து கடுமையாக தாக்கியதாகவும் சொல்லப்படுகிறது.

இதுகுறித்து தலைமை செயலக காலனி அனைத்து மகளிர் காவல் நிலையத்தில் புகார் அளிக்கப்பட்டதால் ஆத்திரமடைந்த விஜயபாரதி, புகாரை வாபஸ் பெற்று, 10 லட்சம் ரூபாய் பணமும் தராவிட்டால் அந்தரங்க படத்தை வெளியிடுவேன் என மிரட்டியதோடு, மனைவியின் முகநூல் பக்கத்தில் அவரே பதிவிட்டது போல, நிர்வாண படத்தை வெளியிட்டதாகவும், பிறகு மனைவியின் வாட்ஸ் அப் எண்ணிற்கு அதே படத்தை அனுப்பியதாகவும் கூறப்படுகிறது.

இதனால் விரக்தியடைந்த விஜயபாரதியின் மனைவி, அளவுக்கு அதிகமான தூக்க மாத்திரைகளை உட்கொண்டு தற்கொலைக்கு முயன்றநிலையில் கீழ்ப்பாக்கம் அரசு மருத்துவமனையில் சேர்க்கப்பட்டு குணமாகி திரும்பினார்.

இதையடுத்து விஜயபாரதி மீது அவரது மனைவியின் குடும்பத்தினர் புகார் கொடுக்கவே, வரதட்சணை கொடுமை, கொலை மிரட்டல், தகவல் தொழில் நுட்பத்தை தவறாக கையாளுதல் உள்ளிட்ட பிரிவுகளில் வழக்கு பதிந்து அவரை போலீசார் தேடி வந்தனர்.

இதையடுத்து விஜயபாரதியை விசாரணைக்கு போலீசார் அழைத்துள்ளனர். ஆனால் வெளியூரில் இருப்பதாக விஜயபாரதி ஏமாற்றி வந்துள்ளார். இதையடுத்து செல்போன் எண் சிக்னலை வைத்து கண்டுபிடித்து அயனாவரத்தில் விஜயபாரதி பதுங்கியிருந்ததை கண்டுபிடித்து போலீசார் கைது செய்தனர்.

வரதட்சனை கொடுமையில் ஈடுபடும் நபர்களுக்கான தண்டனையை தமிழக அரசு அதிகரித்துள்ளது. இதை சுட்டிக்காட்டி, வரதட்சனைக்காக மனைவியின் நிர்வாண படத்தை சமூக வலைதளத்தில் பகிர்ந்த சைக்கோ கணவரான விஜயபாரதிக்கும் உரிய தண்டனை கிடைக்கும் என காவல் துறையினர் நம்பிக்கை தெரிவித்துள்ளனர்.

SHARE
RELATED POSTS
Click to comment
LEAVE COMMENT
SUBMIT

Comments