6 மாதமாக செயல்பாடில்லா ஓய்வூதிய வங்கிக் கணக்கை முடக்க அறிவுறுத்தவில்லை என தமிழ்நாடு கருவூலத்துறை ஆணையர் விளக்கம்

0 1436
ஆறு மாதமாகச் செயல்பாடு இல்லாத ஓய்வூதிய வங்கிக் கணக்குகளை முடக்க உத்தரவு இடவில்லை எனத் தமிழ்நாடு கருவூலத்துறை ஆணையர் சமயமூர்த்தி தெரிவித்துள்ளார்.

ஆறு மாதமாகச் செயல்பாடு இல்லாத ஓய்வூதிய வங்கிக் கணக்குகளை முடக்க உத்தரவு இடவில்லை எனத் தமிழ்நாடு கருவூலத்துறை ஆணையர் சமயமூர்த்தி தெரிவித்துள்ளார்.

ஓய்வூதியரின் வங்கிக் கணக்கு 6 மாதங்களுக்கு எந்தச் செயல்பாடுமின்றி இருந்தால், அதுபற்றி ஓய்வூதியம் வழங்கும் அதிகாரியிடம் வங்கி தெரிவிக்க வேண்டும் என்றும், அந்தக் கணக்குக்கு ஓய்வூதியம் செலுத்துவதை நிறுத்த வேண்டும் என்றும் கருவூல விதி உள்ளது.

அதன்படி 6 மாதங்களாகச் செயல்பாடு இல்லாத ஓய்வூதியக் கணக்குகளின் பட்டியலைத் தயாரிக்கக் கருவூல அலுவலர்களுக்குச் சுற்றறிக்கை அனுப்பப்பட்டது.

இது குறித்து ஓய்வூதியர்களிடம் பல்வேறு கருத்துக்கள் நிலவும் நிலையில், 6 மாதமாகச் செயல்பாடில்லாக் கணக்குகள் குறித்து கணக்கெடுக்க மட்டுமே அறிவுறுத்தியுள்ளதாகவும், வங்கிக் கணக்கு முடக்கப்படும் என்பதும், ஓய்வூதியம் நிறுத்தப்படும் என்பதும் தவறான புரிதல் என்றும் கருவூலத்துறை ஆணையர் சமயமூர்த்தி தெரிவித்துள்ளார்.

SHARE
RELATED POSTS
Click to comment
LEAVE COMMENT
SUBMIT

Comments