சென்னையில் கொரோனா பலி எண்ணிக்கை ஆயிரத்தை கடந்தது

0 1448

சென்னையில் நேற்றிரவு முதல் தற்போது வரை கொரோனாவால் பாதிக்கப்பட்ட 25 பேர் உயிரிழந்ததை அடுத்து, சென்னையில் மட்டும் கொரோனாவால் உயிரிழந்தவர்களின் எண்ணிக்கை ஆயிரத்தை கடந்துள்ளது.

ராஜீவ்காந்தி அரசு மருத்துவமனையில் 9 பேரும், அரசு ஸ்டான்லி மருத்துவமனையில் 6 பேரும், ஓமந்தூரார் அரசு மருத்துவமனையில் 4 பேரும், கீழ்பாக்கம் அரசு மருத்துவமனையில் 3 பேரும் சிகிச்சை பலனின்றி உயிரிழந்துள்ளனர்.

சாலிகிராமம் தனியார் மருத்துவமனையில் சிகிச்சை பெற்று வந்த விருகம்பாக்கம் காவல் நிலைய நுண்ணறிவு பிரிவு காவலரின் தந்தையும் உயிரிழந்தார். அதே போல் அமைந்தகரை, அடையாறு பகுதிகளில் உள்ள தனியார் மருத்துவமனைகளில் சிகிச்சை பெற்று வந்த 2 பேர் உயிரிழந்தனர்.

நேற்றுவரை சென்னையில் கொரோனா பாதிப்புக்கு 996 பேர் பலியான நிலையில், இன்று மேலும் 25 பேர் பலியானதால் சென்னையில் கொரோனா பலி எண்ணிக்கை ஆயிரத்தை கடந்துள்ளது.

SHARE
RELATED POSTS
Click to comment
LEAVE COMMENT
SUBMIT

Comments