குஜராத்தில் குடியிருப்பு பகுதியில் இரவு நேரத்தில் நடமாடிய சிங்கம்

0 11607

குஜராத்தில் குடியிருப்பு பகுதியில் இரவு நேரத்தில் சிங்கம் சுதந்திரமாக சுற்றிதிரிந்த வீடியோ வெளியாகியுள்ளது.

அம்ரேலி மாவட்டத்தில் உள்ள ரஜூலா தாலுகாவில் தனியார் சிமெண்ட் நிறுவன ஊழியர்கள் வசிக்கும் குடியிருப்பு பகுதியில் வசிக்கும் சிலர் நேற்று முன்தினம் இரவு வெளியே வந்தபோது, அங்கு கண்ட காட்சி அவர்களை அதிர்ச்சியில் ஆழ்த்தியது.

பெரிய ஆண் சிங்கம் ஒன்று சர்வசாதாரணமாக நடந்து வந்ததும், பிறகு ஓடிச் செல்வதையும் கண்டு அவர்கள் அப்படியே உறைந்தனர். இருப்பினும் சுதாரித்துக் கொண்டு செல்போனில் அக்காட்சியை எடுத்து அவர்கள் சமூக இணையதளங்களில் வெளியிட அது வைரலாக பரவி வருகிறது

அந்த சிங்கம், எங்கிருந்து குடியிருப்பு பகுதிக்கு வந்தது என்பது தெரியவில்லை. இதுகுறித்த தகவலின்பேரில் சிங்கத்தை தேடும் பணியில் வனத்துறையினர் ஈடுபட்டிருப்பதாக கூறப்படுகிறது. 

SHARE
RELATED POSTS
Click to comment
LEAVE COMMENT
SUBMIT

Comments