சென்னையில் கொரோனா அதிகம் பாதிப்பு உள்ள மண்டலமாக கோடம்பாக்கம் மாறியது

0 7378

சென்னை கோடம்பாக்கம் பகுதியில் 461 பேருக்கு கொரோனா உறுதியாகியுள்ளதால், அந்நோயின் புதிய மையமாக அப்பகுதி மாறியுள்ளது.

15 மண்டலங்களிலும் பாதித்தோரின் எண்ணிக்கை 2 ஆயிரத்து 644ஆக உயர்ந்துள்ளது. இதில் அதிகபட்சமாக கோடம்பாக்கத்தில் 461 பேருக்கும், அதற்கடுத்து  திரு.வி.க.நகர் மண்டலத்தில் 448 பேருக்கும்,ராயபுரத்தில் 422 பேருக்கும் நோய் பரவியுள்ளது கண்டறியப்பட்டுள்ளது.

நோய் தொற்றிலிருந்து 358 பேர் இதுவரை குணமாகியுள்ள நிலையில், 23 பேர் மரணமடைந்துள்ளனர். இதுதவிர்த்து, மருத்துவமனைகளில் 2 ஆயிரத்து 255 பேர் சிகிச்சை பெற்று வருகின்றனர். நோய் பாதித்தோரில் 62 புள்ளி 78 சதவீதம் பேர் ஆண்கள் ஆவர். 37 புள்ளி 18 சதவீதம் பேர் பெண்கள் ஆவர். கொரோனாவுக்கு 20 முதல் 29 வயதுக்கு உட்பட்டோர் அதிகமாக பாதிக்கப்பட்டுள்ளனர். இதற்கடுத்து 30 முதல் 39 வயதுக்கு உட்பட்டோர் அதிகமாக பாதிக்கப்பட்டுள்ளனர்.

SHARE
RELATED POSTS
Click to comment
LEAVE COMMENT
SUBMIT

Comments