செய்திகள் Big Stories சற்றுமுன் உலகம் இந்தியா தமிழ்நாடு அரசியல் ஆன்மீகம் விளையாட்டு வர்த்தகம் சினிமா சென்னை வீடியோ கல்வி தொழில்நுட்பம் சுற்றுச்சூழல் ஆரோக்கியம்

Advertisement
சினிமா

விஜய் ஆண்டனி மகளின் விபரீத முடிவுக்கு காரணம் என்ன..? வெளியான முரண்பட்ட தகவல்கள் !

Sep 19, 2023 08:22:34 PM

இசையமைப்பாளரும் நடிகருமான விஜய் ஆண்டனியின் 16 வயது மகள் மீரா தூக்கிட்டு தற்கொலை செய்து கொண்ட நிலையில், கடந்த ஓராண்டாக மன அழுத்தத்துக்காக அவர் சிகிச்சை பெற்று வந்ததாக போலீசார் தெரிவித்துள்ளனர். ஆனால், மீராவுக்கு மன அழுத்தம் எதுவும் இல்லை என்று அவரது பள்ளி ஆசிரியர்களும் சக மாணவிகளும் கூறியுள்ளார்.

தனது தந்தை தற்கொலை செய்து கொண்டதால் அதன் வலி என்ன என்பது தனக்குத் தெரியும் என்று 5 ஆண்டுகளுக்கு முன் கூறி இருந்தார் விஜய் ஆண்டனி. தற்போது தனது மகளால் அதே வலியை மீண்டும் உணர்ந்து கொண்டிருக்கிறார்.

விஜய் நடித்த சுக்கிரன் படத்தின் மூலம் தமிழ் சினிமாவுக்கு இசையமைப்பாளராக அறிமுகமான விஜய் ஆண்டனி, நான் திரைப்படத்தின் மூலம் கதாநாயனானார். தொலைக்காட்சி தொகுப்பாளராக இருந்த ஃபாத்திமாவை காதலித்து திருமணம் செய்து கொண்டு சென்னை ஆழ்வார்பேட்டையில் வசித்து வரும் விஜய் ஆண்டனிக்கு மீரா, லாரா என்ற இரு மகள்கள்.

சர்ச் பார்க் பள்ளியில் 12-ஆம் வகுப்பு வணிகவியல் படித்து வந்த மூத்த மகள் மீரா, இறகு பந்து போட்டியில் ஆர்வத்துடன் பங்கேற்று பரிசுகளை பெற்றவர். பள்ளியில் சமூக கலாசார நிகழ்வுகளிலும் கலந்து கொண்டு வந்தவர்.

திங்களன்று, இரவு உணவு அருந்திய பின் மீரா உறங்கச் செல்வதாகக் கூறி தனது அறைக்குச் சென்றதாக கூறப்படுகிறது.

அதிகாலை 3 மணியளவில் மகளின் அறைக்கு சென்ற விஜய்ஆண்டனி, மீரா துப்பட்டாவால் தூக்கிட்ட நிலையில் இருப்பதை பார்த்து கத்தி கூச்சலிட்டுள்ளார்.

வீட்டிலிருந்த பணியாளர் உதவியுடன் மீராவை மீட்டு அருகில் உள்ள காவேரி மருத்துவமனைக்கு காரில் கொண்டு சென்றனர். மீராவை பரிசோதித்த மருத்துவர்கள் அவர் இறந்துவிட்டதாக தெரிவித்ததை அடுத்து, கூராய்விற்காக ஓமந்தூரார் அரசு மருத்துவமனைக்கு உடல் அனுப்பப்பட்டது.

விஜய் ஆண்டனியின் வீட்டிற்குச் சென்ற போலீசார் மீரா தற்கொலை செய்து கொண்ட அறையில் ஆய்வு செய்து தடயங்களை சேகரித்தனர்.

மீராவின் வீட்டிற்கு வந்திருந்த சர்ச் பார்க் பள்ளியின் முதல்வர் மற்றும் வகுப்பு ஆசிரியர் இருவரிடமும் போலீஸார் விசாரணை நடத்தினர். மீராவிற்கு பள்ளியில் ஏதும் பிரச்னை ஏற்பட்டிருந்ததா? பள்ளி வகுப்பில் சகஜமாக இருந்தாரா? என கேள்விகளை கேட்டதாக கூறப்படுகிறது.

முதற்கட்ட விசாரணையில் மீரா கடந்த ஒராண்டு காலமாக மன அழுத்தத்தில் இருந்ததாகவும், மன அழுத்தத்திற்காக காவேரி மருத்துவமனையில் மனநல ஆலோசனை மற்றும் சிகிச்சை பெற்று வந்ததாகவும் போலீஸ் தரப்பில் தெரிவிக்கப்பட்டுள்ளது.

ஆனால், மீராவுக்கு மன அழுத்தம் எதுவும் இல்லை என்று அவரது ஆசிரியர்களும் நெருங்கிய தோழியும் கூறியுள்ளனர். மீரா கலகலப்பான பெண் எனவும், தான் செல்லமாக வளர்க்கும் நாயுடன் வாக்கிங் செல்வார் எனவும் அக்கம்பக்கத்தினர் தெரிவித்துள்ளனர்.

இதனிடையே, மீராவில் அறையில் இருந்து ஆங்கிலத்தில் எழுதப்பட்ட கடிதம் ஒன்றை கைப்பற்றி இருப்பதாக போலீசார் தெரிவித்துள்ளனர்.

தனது குடும்பம், நண்பர்கள் மற்றும் ஆசிரியர்களை மிஸ் செய்வதாக எழுதப்பட்டுள்ள அந்த கடிதத்தின் இறுதியில் "குட் பை" என்று குறிப்பிடப்பட்டுள்ளதால் தற்கொலைக்கு முன் எழுதியதாக இருக்குமோ என்ற கோணத்தில் விசாரணை மேற்கொண்டுள்ளதாக போலீசார் கூறியுள்ளனர்.

எனினும், கடிதத்தை எழுதியது யார், எப்போது எழுதப்பட்டது என்பதை உறுதி செய்ய முடியவில்லை என்றும் போலீஸ் தரப்பில் தெரிவிக்கப்பட்டுள்ளது.


Advertisement
கைகோர்ப்போம்... துயர்துடைப்போம்...! வெள்ளம் பாதித்த பகுதிகளில் மீட்பு பணி செய்ய மக்கள் இயக்க நிர்வாகிகளுக்கு நடிகர் விஜய் அறிவுறுத்தல்
இளம்பெண்கள் பிக்பாசிலும், கைபேசியிலும், காதலிலும் நம்பி மூழ்கி ஏமாறக்கூடாது- ராதிகா சரத்குமார்
மாமன்னன் படத்தின் உதவி இயக்குநர் மாரிமுத்து மூச்சுத்திணறலால் 30 வயதில் உயிரிழப்பு..!
வனிதா தாக்கப்பட்டார்! ஓங்கி அறைந்ததால் கன்னம் பழுத்தது..! எக்ஸ் தளத்தில் குமுறல்
கோவாவில் நடைபெறும் 54வது சர்வதேச திரைப்பட விழாவில் பங்கேற்ற இசையமைப்பாளர் ஏ.ஆர்.ரகுமான்
நடிகர் மன்சூர் அலிகான் தமக்கு தெரிந்து யார் மனதையும் காயப்படுத்த வேண்டும் என்று பேசியிருக்க மாட்டார் - சீமான்
திரைப்படத்துறையினர் சார்பில் கலைஞர் நூற்றாண்டு விழா டிச 23 ,24 ஆம் தேதி நடைபெறும் நிகழ்ச்சிக்கு ரஜினி, கமல், அஜித், விஜயக்கு அழைப்பு
பருத்தி வீரன் படத்தில் இயக்குநர் அமீர் முதல் படம் என்பதால் கோடி கணக்கில் ஏமாற்றி விட்டதாக ஞானவேல் ராஜா குற்றச்சாட்டு
மன்னிப்புல்லாம் கேட்க முடியாது எரிமலையாக குமுறப்போவதாக நடிகர் சங்கத்திற்கு மன்சூர் மிரட்டல்..! திரிஷாவுக்கு மாப்பிள்ளையாம் இவரு..!
திரிஷாவ அப்படியே தூக்கி.. மன்சூர் அலிகானின் வக்கிர பேச்சு.. நடிகைகள் கடும் கண்டனம்..! நடிகர் சங்கம் தூங்குகிறதா ?

Advertisement
Posted Dec 09, 2023 in தமிழ்நாடு,Big Stories,

வரிசை கட்டி நிற்கும் புல்லட்டுகள்.. புத்தகங்களை இழந்து நிற்கும் மாணவர்கள்.. தவிக்கும் பள்ளிக்கரணைவாசிகள்...

Posted Dec 09, 2023 in சென்னை,Big Stories,

மழை வெள்ளத்தில் கலந்த கச்சா எண்ணெய்க்கு நாங்கள் பொறுப்பல்ல..! கையை விரித்த மணலி சிபிசிஎல்..! கடிவாளம் போட்ட பசுமைதீர்ப்பாயம்..!

Posted Dec 09, 2023 in தமிழ்நாடு,வீடியோ,Big Stories,

ஒன்றரை லட்சம் ரூபாய்க்கு தினமும் ரூ 6000 வட்டி வசூல் வியாபாரியை கடத்தி அட்டூழியம்..! மிரட்டலால் உயிரை மாய்த்த மனைவி

Posted Dec 09, 2023 in வீடியோ,சென்னை,Big Stories,

இப்ப வருவியா..? மாட்டியா..? மருமகளுக்கு கெடுவிதித்த மாமியார் வெள்ளத்தில் படகில் சென்று பைட்..! பச்சிளம் குழந்தைக்காக பாசப்போராட்டம்

Posted Dec 09, 2023 in வீடியோ,சென்னை,Big Stories,

மழை நீரில் கலந்த கச்சா ஆயில்.. கை, கால் உடலெல்லாம் அரிப்பு.. வீட்டை கறையாக்கிய கொடுமை..! ஜோதி நகர் மக்கள் குமுறல்


Advertisement