கோடை வெயிலின் தாக்கத்தை தணிக்க எகிப்து நாட்டு சிறுவர்கள் நைல் நதியில் நீச்சலடித்து பொழுதுபோக்கி வருகின்றனர்.
அந்நாட்டின் பல்வேறு பகுதிகளில் 45 டிகிரி செல்சியஸ் வரை வெப்பநிலை பதிவாகியுள்ளது. ஏசி, பேன் போன்ற மின் சாதனங்களின் பயன்பாடு அதிகரித்து மின் தட்டுப்பாடு ஏற்பட்டதால் மின்வெட்டுகள் அதிகரித்துள்ளன. அந்நாட்டில், மத்திய தரைக்கடலை ஒட்டி அமைந்துள்ள கடற்கரைகளில் பொழுதுபோக்க அதிக பணம் செலவிட வேண்டியுள்ளதால் நைல் நதியில் குளிக்க இளைஞர்களும், சிறுவர்களும் ஆர்வம் காட்டிவருகின்றனர்.