இந்திய அளவில் மீண்டும் முதலிடம் பிடித்த சென்னை ஐஐடி..!

பொறியியல் கல்வி நிறுவனங்களின் தர வரிசையில் 5வது முறையாக சென்னை ஐஐடி முதலிடம் பிடித்துள்ளது.

மத்திய கல்வி அமைச்சகத்தின் கீழ் செயல்பட்டு வரும் தேசிய கல்வி நிறுவன தரவரிசை அமைப்பு, நாட்டில் உள்ள பல்கலைக்கழகங்கள், பொறியியல் கல்லூரிகள், நிர்வாகக் கல்வி நிறுவனங்கள், கல்லூரிகள் ஆகியவற்றின் தர வரிசையை ஆண்டுதோறும் வெளியிட்டு வருகிறது. நடப்பாண்டுக்கான பட்டியலில் பொறியியல் கல்லூரிகளில் சென்னை ஐஐடி முதலிடமும் 2ம் இடத்தை டெல்லி ஐஐடி-யும், 3ம் இடத்தை மும்பை ஐஐடி-யும் பிடித்துள்ளன.

இந்தியாவின் தலைசிறந்த கலை மற்றும் அறிவியல் கல்லூரிகளுக்கான பட்டியலில், சென்னை மாநில கல்லூரி 3வது இடத்தையும், சென்னை லயோலா கல்லூரி 7வது இடத்தையும் பிடித்துள்ளன.

மருத்துவக் கல்வி நிறுவனங்களுக்கான பட்டியலில் வேலூர் சி.எம்.சி. கல்லூரி மூன்றாவது இடத்தை பிடித்துள்ளது. ஒட்டுமொத்த பட்டியலில் தமிழகத்தைச் சேர்ந்த 18 கல்வி நிலையங்கள் இடம்பிடித்துள்ளன.