கர்நாடக மாநிலம் தாவணகெரெவேவில் பலத்த பாதுகாப்பையும் மீறி பிரதமரின் கான்வாய் நோக்கி ஓடி வந்த இளைஞரால் பரபரப்பு ஏற்பட்டது.
கர்நாடகாவில் பல்வேறு நிகழ்ச்சிகளில் பங்கேற்ற பிரதமர் மோடி, சாலை வழியாக வாகனத்தில் இருந்தபடி பொதுமக்களை பார்த்து கையசைத்துக் கொண்டே சென்றார்.
அந்த சமயத்தில், கூட்டத்தில் நின்று கொண்டிருந்த இளைஞர் ஒருவர் பாதுகாப்பு வளையத்தை மீறி பிரதமரின் கான்வாய் அருகே ஓடி வந்தார்.
காவல்துறை அதிகாரிகள் உடனடியாக அவரை மடக்கிப்பிடித்து அப்புறப்படுத்தினர்.
பிரதமர் பாதுகாப்பில் எந்தவிதமான குளறுபடியும் ஏற்படவில்லை என்றும், பாதுகாப்பு பணியில் இருந்த காவல்துறை அதிகாரிகள் துரிதமாக செயல்பட்டு அந்நபரை தடுத்து நிறுத்தி கைது செய்ததாக கர்நாடக கூடுதல் டிஜி.பி அலோக் குமார் கூறியுள்ளார்.