செய்திகள் Big Stories சற்றுமுன் உலகம் இந்தியா தமிழ்நாடு அரசியல் ஆன்மீகம் விளையாட்டு வர்த்தகம் சினிமா சென்னை வீடியோ கல்வி தொழில்நுட்பம் சுற்றுச்சூழல் ஆரோக்கியம்

Advertisement

தந்தை சடலத்தின் முன்பு காதலிக்கு தாலி கட்டி மணம் முடித்த இளைஞர்..! வானமே மழை தூவி வாழ்த்தியது

Mar 21, 2023 02:05:45 PM

கள்ளக்குறிச்சி அருகே தந்தையின் கடைசி ஆசையை நிறைவேற்றுவதற்காக, உயிரிழந்த தந்தையின் கால்களுக்கு பாதபூஜை செய்த இளைஞர், இரு வீட்டார் சம்மதத்துடன் தனது காதலியை திருமணம் செய்து கொண்டார். ஊரார் வாழ்த்துக்களுடன், வானமும் மழை தூவி வாழ்த்திய சம்பவம் குறித்து விவரிக்கின்றது இந்த செய்தி தொகுப்பு

கள்ளக்குறிச்சி அருகே உள்ள பெருவங்கூர் என்ற கிராமத்தைச் சேர்ந்தவர் ராஜேந்திரன், வி ஆர் ஏ தொண்டு நிறுவனத்தின் மேலாண் இயக்குனராக இருந்தார். இவரது மனைவி அய்யம்மாள் ஊராட்சி மன்ற தலைவராக இருந்து வருகிறார். ராஜேந்திரனின் மகன் பிரவீன். பட்டதாரியான இவர் சொர்ணமால்யா என்ற பெண்ணை காதலித்து வந்தார்.

தனது மகனின் ஆசையை நிறைவேற்ற வேண்டும் என்பதற்காக சொர்ணமால்யாவின் வீட்டிற்கு சென்று அவரது பெற்றோருடன் பேசி திருமணத்துக்கு சம்மதம் பெற்று வந்தார் ராஜேந்திரன். இடையில் அவருக்கு உடல் நலக்குறைவு ஏற்பட்டதால் மருத்துவமனையில் அனுமதிக்கப்பட்டு நாள்தோறும் டயாலிசிஸ் சிகிச்சையும் பெற்று வந்தார். தனது உடல் நிலை மோசமடைவதை உணர்ந்த ராஜேந்திரன் தான் சாவதற்கு முன்பாக மகனுக்கு திருமணம் செய்து வைத்துவிட முடிவு செய்தார்.

இதையடுத்து இரு வீட்டார் சம்மதத்துடன் வருகின்ற 27 ஆம் தேதி கள்ளக்குறிச்சியில் உள்ள தனியார் மண்டபத்தில் பிரவீனுக்கும் சொர்ணமால்யாவுக்கும் திருமணம் செய்ய முடிவு செய்யப்பட்டது. உடல் நிலை சரியில்லாத நிலையிலும் தனது மகனின் நிகழ்வுக்கு ஊரே திரண்டு வரவேண்டும் என்று வீடு வீடாக சென்று திருமண பத்திரிக்கை கொடுத்து வந்துள்ளார்.

இந்த நிலையில் ஞாயிற்றுக்கிழமை இரவு உடல் நலக்குறைவால் மருத்துவமனையில் அனுமதிக்கப்பட்ட ராஜேந்திரன் பரிதாபமாக உயிரிழந்தார். இறந்துபோன தந்தை ராஜேந்திரன் உடலை வீட்டிற்கு எடுத்து வந்த அவரது மகன் பிரவீன், உறவினர்களிடம் கண்ணீர் மல்க வேண்டுகோள் ஒன்றை வைத்தார்.

தந்தையின் கடைசி ஆசை எனது திருமணத்தை பார்ப்பது தான்... அதற்காகத்தான் அவர் ஆவலோடு இருந்தார், அதற்குள்ளாக இப்படி ஆகி விட்டது. அவர் ஆசீர்வாதத்துடன் அவர் முன்னால் இன்றே எங்கள் திருமணம் நடக்க வேண்டும் அதற்கு உங்கள் எல்லோர் ஒத்துழைப்பும் வேண்டும் என்று கண்ணீர் மல்க கேட்க, பெண்ணின் பெற்றோரும் சம்மதித்ததால், துக்கவீட்டில் திருமணத்துக்கான ஏற்பாடுகள் செய்யப்பட்டது.

உற்றார் உறவினர்கள் ஊரார் எல்லாம் கனத்த இதயத்தோடு ராஜேந்திரனின் சடலத்தை சுற்றி நிற்க, தந்தையின் ஆசையை நிறைவேற்ற பட்டு வேட்டி சட்டையுடன் வந்த பிரவீன், படுக்க வைக்கப்பட்டிருந்த தனது தந்தையின் கால்களுக்கு பாதபூஜை செய்து காலில் விழுந்து வணங்கினார்.

ஊரே பூ தூவ தனது காதலிக்கு தாலி கட்டி மாலை மாற்றி மனைவியாக ஏற்றுக் கொண்டார் . அடுத்த நொடியே வானம் பிய்த்துக் கொண்டு கன மழை கொட்டித்தீர்த்தது.

பிரவீனின் இந்த முடிவை வரவேற்ற உறவினர்கள் அவரையும் மணப்பெண்ணையும் உச்சி முகர்ந்து வாழ்த்தினர். உற்றார், உறவினர்கள் மலர் தூவி வாழ்த்துவது போல வானமும் மழை தூவி வாழ்த்துவதாக ஊரார் தெரிவித்தனர்.

தமிழ் சினிமாக்களின் கிளைமேக்ஸ் காட்சியில் மட்டுமே சாத்தியப்படக்கூடிய இப்படிப்பட்ட ஒரு உணர்ச்சிகரமான திருமணத்தை, நிஜத்தில் நடத்தி தனது தந்தையின் கடைசி ஆசையை நிறைவேற்றி இருக்கின்றார் இந்த பாசக்கார மகன்..!


Advertisement
அலுமினிய பாத்திரத்திற்குள் வசமாக சிக்கிய குழந்தை..! இரண்டரை வயது குழந்தையின் ஒரு மணி நேர போராட்டம்..!!
ஓசி-யில் சாம்பார், குடிநீர் பாட்டில் கேட்டு ரகளையில் ஈடுபட்ட ஆக்டிங் டிரைவர்..!
விபத்துக்குப் பின் நேற்றிரவு முதல் சரக்கு ரயில் இயக்கம்.. இன்று முதல் பயணிகள் ரயில் சேவைக்கு திட்டம்.!
275 பேரை பலி கொண்ட கோர விபத்துக்கான காரணம் கண்டுபிடிப்பு..!
தேகம் மறைந்தாலும் இசையாய் வாழும் எஸ்.பி.பி... இசையுலகின் முடிசூடா மன்னன்..!
எஸ்.எஸ்.ஐ வீட்டில் கைவரிசை... சினிமா பாணியில் விரட்டிச்சென்று கைது செய்த போலீசார்
அப்படியே வாழ்த்திட்டாலும்... முதல்ல ஒழுங்கா படிப்போம், அப்புறமா பேனர் அடிப்போம்... பந்திக்கு.. பந்து..! கடலைக்கு.. கல்லை..!
இந்த கோர விபத்துக்கு இவர் தான் காரணம்... வெளியானது அதிர்ச்சி தகவல்.... ரெயில்வே சர்க்கியூட் ஆதாரம்..!
‘கவச்’ வந்தாலும் காப்பாற்ற இயலாதாம் இந்த தவறு நிகழ்ந்தால்.... அதிகாரிகள் சொல்லும் ரகசியம்..!
நீதிபதி இருக்கை அருகே எதிரியை வாளால் வெட்டிய ரவுடி.... துப்பாக்கியால் சுட்டு பிடித்த போலீஸ்..!

Advertisement
Posted Jun 05, 2023 in இந்தியா,வீடியோ,Big Stories,

அலுமினிய பாத்திரத்திற்குள் வசமாக சிக்கிய குழந்தை..! இரண்டரை வயது குழந்தையின் ஒரு மணி நேர போராட்டம்..!!

Posted Jun 05, 2023 in இந்தியா,வீடியோ,Big Stories,

விபத்துக்குப் பின் நேற்றிரவு முதல் சரக்கு ரயில் இயக்கம்.. இன்று முதல் பயணிகள் ரயில் சேவைக்கு திட்டம்.!

Posted Jun 05, 2023 in இந்தியா,வீடியோ,Big Stories,

275 பேரை பலி கொண்ட கோர விபத்துக்கான காரணம் கண்டுபிடிப்பு..!

Posted Jun 05, 2023 in சினிமா,வீடியோ,Big Stories,

தேகம் மறைந்தாலும் இசையாய் வாழும் எஸ்.பி.பி... இசையுலகின் முடிசூடா மன்னன்..!

Posted Jun 04, 2023 in தமிழ்நாடு,வீடியோ,Big Stories,

எஸ்.எஸ்.ஐ வீட்டில் கைவரிசை... சினிமா பாணியில் விரட்டிச்சென்று கைது செய்த போலீசார்


Advertisement