குஜராத்தில் கிடைத்துள்ள மகத்தான வெற்றி உற்சாகம் அளிக்கிறது - பிரதமர் மோடி.!

குஜராத்தில் வரலாறு காணாத பாஜகவின் மகத்தான வெற்றிக்கு வாக்காளர்களுக்கு பிரதமர் மோடி நன்றி தெரிவித்துள்ளார்.

அம்ரித் கால் என்ற திட்டத்தின் கீழ் அடுத்த 25 ஆண்டுகள் வளர்ச்சிக்கு இந்தியா முன்னேறி வரும் நிலையில் குஜராத்தில் கிடைத்துள்ள மகத்தான வெற்றி உற்சாகம் அளிப்பதாக பிரதமர் மோடி தெரிவித்துள்ளார். டெல்லி பாஜக தலைமை அலுவலகத்தில் கட்சியின் நிர்வாகிகளுடன் அவர் கலந்தாலோசித்தார்.

அனைத்து முந்தைய சாதனைகளையும் முறியடித்து இந்த வெற்றியை குஜராத் மக்கள் அளித்திருப்பதாகவும் இளம் வாக்காளர்கள் தமது தலைமையின் மீது நம்பிக்கையை வெளிப்படுத்தியிருப்பதாகவும் மோடி கூறினார்.இமாச்சலத்தில் ஒரு சதவீத வாக்கு வித்தியாசத்தில் வெற்றி வாய்ப்பை இழந்துவிட்டதாக மோடி கூறினார்.