இந்திய-அமெரிக்க ராணுவத்தினர் சீனாவை ஒட்டிய எல்லையில் கூட்டுப்பயிற்சி..!

இந்திய ராணுவத்தினர் அமெரிக்க ராணுவத்தினருடன் இணைந்து சீன எல்லையின் அருகில் போர் பயிற்சியில் ஈடுபட்டு வருகின்றனர்.

யுத் அபியாஸ் என்ற பெயரில் இந்திய-அமெரிக்க ராணுவத்தினர் சீன எல்லையிலிருந்து சுமார் 100 கிலோ மீட்டர் தொலைவில் உள்ள உத்தரகாண்டின் அவுலியில் உயரமான மலைப்பகுதியில் பயிற்சி மேற்கொள்கின்றனர்.

இதற்காக, ரஷ்யாவின் தயாரிப்பான எம்ஐ-செவன்டீன் வி 5 (Mi-17V5) என்ற ஹெலிகாட்டரில் சென்ற இருநாட்டு படை வீரர்கள் அங்கு, நிராயுதபாணிகளாக இருக்கும் போது எவ்வாறு செயல்படுவது மற்றும் பறந்து கொண்டிருக்கும் ஹெலிகாப்டரிலிருந்து கீழே குதிப்பது உள்ளிட்ட பயிற்சிகளில் ஈடுபட்டனர்.