சவுதியில் உயிரிழந்த தந்தையின் உடலை சொந்த ஊர் கொண்டு வர மகள் கண்ணீர் மல்க கோரிக்கை..

சவுதி அரேபியாவில் உயிரிழந்த தந்தையின் உடலை, சொந்த ஊர் கொண்டுவர நடவடிக்கை எடுக்க வேண்டும் என கடலூர் மாவட்ட ஆட்சியரிடம் உயிரிழந்த நபரின் மகள் கண்ணீர் மல்க கோரிக்கை விடுத்துள்ளார்.

கடலூர் மாவட்டம் வடலூரை சேர்ந்த 54 வயதான அன்பு, 2017ஆம் ஆண்டு முதல் சவுதி அரேபியாவில் வேலை செய்து வந்தார்.

கடந்த 21ஆம் தேதி அங்குள்ள வணிக வளாகத்தில் பொருட்கள் வாங்கிக்கொண்டிருந்த போது மாரடைப்பு ஏற்பட்டு மயங்கி விழுந்த அன்பு உயிரிழந்தார்.

இந்நிலையில் அவர் மயங்கி விழும் சிசிடிவி காட்சிகளுடன் மாவட்ட ஆட்சியர் பாலசுப்பிரமணியனிடம் மனு அளிக்கப்பட்டது.

மனுவை பெற்றுக் கொண்ட ஆட்சியர் உடலை கொண்டுவதற்கான ஏற்பாடுகளை செய்வதாக உறுதியளித்தார்.