கட்சி தொண்டர்களின் கோரிக்கையை ஏற்று காங்கிரஸ் கட்சியின் தலைவர் பொறுப்பை ஏற்கும் படி தாம் பலமுறை ராகுல் காந்தியிடம் கூறியதாகவும், ஆனால் காந்தி குடும்பத்தில் இருந்து யாரும் தலைவர் பதவிக்கு வரமாட்டார்கள் என ராகுல் காந்தி உறுதிபட தெரிவித்து விட்டதாகவும், காங்கிரஸ் மூத்த தலைவரும், ராஜஸ்தான் முதலமைச்சருமான அசோக் கெலாட் தெரிவித்துள்ளார்.
கேரளாவில் ராகுல் காந்தியை சந்தித்தபின் செய்தியாளர்களிடம் பேசிய அவர், கட்சி தலைவர் பதவிக்கு தாம் போட்டியிடுவது உறுதிதான் என்றும், வேட்புமனுவை தாக்கல் செய்யும் தேதி விரைவில் முடிவு செய்யப்படும் என்றும் அசோக்கெலாட் தெரிவித்தார்.