எல்.பி.ஜி டேங்கர் லாரி பள்ளத்தாக்கில் கவிழ்ந்து விபத்து.. நொடியில் தப்பித்த ஓட்டுநர்.!

பாகிஸ்தான் ஆக்கிரமிப்பு காஷ்மீரில், குறுகலான மலைப்பாதையை கடக்க முயன்ற LPG டேங்கர் லாரி கவிழ்ந்து பள்ளத்தாக்கில் விழுந்தது.

முசாபர்பாத் பகுதியில், சமையல் எரிவாயு ஏற்றி சென்ற அந்த டேங்கர் லாரி குறுகலான மலைப்பாதை வழியாக சென்றபோது நிலைதடுமாறி பலமுறை உருண்டு ஆழமான பள்ளத்தாக்கிற்குள் விழுந்தது.

டேங்கர் லாரி கவிழத் தொடங்கியதும் ஓட்டுநர் வெளியே குதித்ததால் உயிர்தப்பினார். டேங்கர் முழுக்க எல்.பி.ஜி நிரப்பப்பட்டிருந்த போதும் அது வெடிக்கவில்லை எனக்கூறப்படுகிறது.