செய்திகள் Big Stories சற்றுமுன் உலகம் இந்தியா தமிழ்நாடு அரசியல் ஆன்மீகம் விளையாட்டு வர்த்தகம் சினிமா சென்னை வீடியோ கல்வி தொழில்நுட்பம் சுற்றுச்சூழல் ஆரோக்கியம்

Advertisement

கண்ணை கட்டி கராத்தே பயிற்சியில் பாலியல் சேட்டை..! பள்ளி தாளாளர் கைது

Nov 28, 2021 12:03:39 PM

பள்ளியில் கராத்தே பயிற்சியின் போது மாணவிகளின் கண்ணை கட்டிவிட்டு பாலியல் அத்துமீறலில் ஈடுபட்டதால் அவமானத்திற்குள்ளான மாணவி ஒருவர் தற்கொலை செய்து கொள்ள முயன்ற நிலையில், பொதுமக்கள் காவல் நிலையத்தை முற்றுகையிட்டதால் பள்ளி தாளாளர் மற்றும் கராத்தே பயிற்சியாளரை போலீசார் கைது செய்தனர்.

சேலம் மாவட்டம் வாழப்பாடி அடுத்த கருமந்துறை அருகே உள்ள மலைக் கிராமத்தைச் சேர்ந்த மாணவி ஒருவர், தனியார் பள்ளியில் எட்டாம் வகுப்பு படித்து வந்தார். அந்த பள்ளியில் ராஜா என்ற கராத்தே மாஸ்டர் மாணவிகளுக்கு கராத்தே பயிற்சி கொடுத்து வந்தார். அந்த மாணவியும் கராத்தே பயிற்சிக்கு சென்று வந்தார்.

ஒருநாள் மாணவி பயிற்சியில் ஈடுபட்ட போது, மாணவிகள் அனைவருக்கும் கராத்தே மாஸ்டர் ராஜா கண்களை துணியால் கட்டி விட்டு பின்னர் பயிற்சி கொடுத்தார் . அப்போது மாணவியிடம் கராத்தே மாஸ்டர் பாலியல் தொல்லை செய்ததாக கூறப்படுகின்றது. இது குறித்து அந்த மாணவி பள்ளி ஆசிரியர்களிடமும், பள்ளி தாளாளர் ஸ்டீபன் தேவராஜிடமும் தெரிவித்தார். அப்போது பள்ளி தாளாளர், ஆசிரியர்கள் இது பற்றி வெளியில் சொல்லக்கூடாது என்று மாணவியை மிரட்டி சமாதானம் செய்து அனுப்பி வைத்ததாக தெரிகிறது.

இதன் பின்னர் மாணவி மன ரீதியாக கடுமையான அழுத்தத்திற்குள்ளானதோடு, வெளியே சொல்ல இயலாமல் தவித்து வந்தார். தனக்கு பாலியல் தொல்லை கொடுத்த கராத்தே மாஸ்டர் ராஜா அதே பள்ளியில் தொடர்ந்து பணியாற்றி வந்ததால் , அவனை பார்க்கும் போதெல்லாம் மன உளைச்சலால் தவித்து வந்த மாணவி, தனக்கு நேர்ந்த கொடுமையை எப்படி வெளியில் சொல்வது ? என தெரியாமல் குழப்பத்தில் கடந்த 22ஆம் தேதி வீட்டில் தற்கொலை முயற்சியில் ஈடுபட்டதாக கூறப்படுகின்றது.

உடனடியாக மாணவி சேலத்தில் உள்ள தனியார் மருத்துவமனையில் சிகிச்சைக்காக சேர்க்கப்பட்டார். அங்கு அவருக்கு தொடர்ந்து சிகிச்சை அளிக்கப்பட்டு வருகிறது. இதுகுறித்து பெற்றோர் மற்றும் அவர்களது கிராம மக்கள் கருமந்துறை போலீசில் புகார் செய்தனர்.

இந்த நிலையில் சனிக்கிழமை பிற்பகலில் மாணவியின் உறவினர்கள் மற்றும் மலைக்கிராம மக்கள் திரளாக கருமந்துறை காவல் நிலையத்தை முற்றுகையிட்டனர்

இதையடுத்து சேலம் மாவட்ட காவல் கண்காணிப்பாளர் ஸ்ரீ அபினவ் வழக்கை விசாரிக்க வாழப்பாடி டிஎஸ்பி முத்துசாமிக்கு உத்தரவிட்டார். உடனடியாக கருமந்துறைக்கு விரைந்து சென்று டிஎஸ்பி விசாரணை நடத்தினார். கடந்த 2018 ஆம் ஆண்டு முதல் சம்பந்தப்பட்ட மாணவி கராத்தே பயிற்சிக்கு செல்லும் போது, கண்ணை துணியால் கட்டிவிட்டு கராத்தே பயிற்சியாளர் ராஜா தொடர்ச்சியாக இத்தகைய பாலியல் அத்துமீறல்களில் ஈடுபட்டு வந்தது உறுதியானது.

இதையடுத்து கராத்தே மாஸ்டர் ராஜா அவரது அத்துமீறலை கண்டிக்க தவறிய பள்ளி தாளாளர் ஸ்டீபன் தேவராஜ் ஆகிய இருவரும் போக்சோ சட்டத்தின் கீழ் கைது செய்யப்பட்டனர். ஏராளமான மாணவிகள், இவர்களால் பாதிப்புக்குள்ளாகி இருப்பதாக குற்றச்சாட்டு முன்வைக்கப்பட்டதால், இருவரிடமும் காவல் துறை உயர் அதிகாரிகள் விசாரணை நடத்தி வருகின்றனர்.

சிறுமிகளிடம் பாலியல் அத்துமீறலில் ஈடுபடுபவர்கள் யாராக இருந்தாலும் எத்தனை ஆண்டுகள் கழித்தாலும் சம்பந்தப்பட்ட சிறுமிகள் புகார் அளித்தால் கடுமையான நடவடிக்கை எடுக்கப்படும் என்று காவல்துறையினர் எச்சரிக்கை விடுத்துள்ளனர்.


Advertisement
ஒரு ரசிகனாக சொல்கிறேன்.. தொலைத்த இடத்தில் வாழ்க்கையை தேடு...! தனுஷுக்கு எஸ்.ஏ.சி அட்வைஸ்
தங்கவளையலை திருடிய ஜாக்கெட் கொள்ளைகாரிகள்... திருச்செந்தூரிலிருந்து திண்டுக்கலுக்கு ஓட்டம்.!
ரஜினி மகள் - நடிகர் தனுஷ் திடீர் விவாகரத்து.. நட்சத்திர காதல்களால் விரிசல்..!
6 பேரை பலி வாங்கிய ஆற்றுநீர்ச் சுழல்.. தேவை ஒரு எச்சரிக்கைப் பலகை.!
ரூ 5 லட்சத்துக்காக கட்டிய வேட்டியை இழந்த திருடர் ஜட்டியுடன் தப்பிய காட்சிகள்..! எடுத்தான் பாரு ஓட்டம்…!
அலங்காநல்லூர் ஜல்லிக்கட்டு.. முதலமைச்சர் பெயரில் கார் பரிசு.!
தண்டவாளத்தில் ‘குடி’ : ரெயில்வே போலீசாரிடம் வம்பிழுத்த இளைஞர்கள்... துப்பாக்கியுடன் போலீஸ் கெஞ்சல்
ஊரடங்கு வசூல் ராஜாக்கள்... கதறும் ரெயில் பயணிகள்... 10 மடங்கு கூடுதல் கட்டணம்
வீடுகளில் வருகிறது, மின்சார வாகனங்களுக்கான பொது சார்ஜிங் மையம்
இளவட்டக் கல் தூக்கும் போட்டி... பெண்களும் கல் தூக்கி சாதனை

Advertisement
Posted Jan 19, 2022 in சினிமா,வீடியோ,Big Stories,

ஒரு ரசிகனாக சொல்கிறேன்.. தொலைத்த இடத்தில் வாழ்க்கையை தேடு...! தனுஷுக்கு எஸ்.ஏ.சி அட்வைஸ்

Posted Jan 19, 2022 in தமிழ்நாடு,வீடியோ,Big Stories,

தங்கவளையலை திருடிய ஜாக்கெட் கொள்ளைகாரிகள்... திருச்செந்தூரிலிருந்து திண்டுக்கலுக்கு ஓட்டம்.!

Posted Jan 18, 2022 in தமிழ்நாடு,Big Stories,

ரஜினி மகள் - நடிகர் தனுஷ் திடீர் விவாகரத்து.. நட்சத்திர காதல்களால் விரிசல்..!

Posted Jan 18, 2022 in தமிழ்நாடு,Big Stories,

6 பேரை பலி வாங்கிய ஆற்றுநீர்ச் சுழல்.. தேவை ஒரு எச்சரிக்கைப் பலகை.!

Posted Jan 18, 2022 in தமிழ்நாடு,Big Stories,

ரூ 5 லட்சத்துக்காக கட்டிய வேட்டியை இழந்த திருடர் ஜட்டியுடன் தப்பிய காட்சிகள்..! எடுத்தான் பாரு ஓட்டம்…!


Advertisement