செய்திகள் Big Stories சற்றுமுன் உலகம் இந்தியா தமிழ்நாடு அரசியல் ஆன்மீகம் விளையாட்டு வர்த்தகம் சினிமா சென்னை வீடியோ கல்வி தொழில்நுட்பம் சுற்றுச்சூழல் ஆரோக்கியம்

Advertisement

நம்ம தலை நகரில் ‘உச்சா’ போறது கூட உச்சக்கட்ட பிரச்சனை தான்..! மாநகராட்சி மனமிறங்குமா ?

Oct 27, 2021 04:44:00 PM

சென்னையில் உள்ள பெரும்பாலான பொதுக் கழிப்பிடங்கள் பயன்படுத்த இயலாத வகையில் இருப்பதால், அவசரத்துக்கு ஒதுங்கக் கூட இடமில்லாமல் மக்கள் அவதிக்குள்ளாகி வருகின்றனர். மழைகாலம் நெருங்கும் நேரத்தில், தொற்றுநோய் பரவாமல் தடுக்க மேற்கொள்ள வேண்டிய, முதல் முன்எச்சரிக்கை நடவடிக்கை குறித்து விவரிக்கின்றது இந்த செய்தி தொகுப்பு...

ஏதோ லாக்கர் கதவை திறந்து கட்டுக்கட்டாக பணத்தை எடுக்கப் போராடுகிறார் என்று தவறாக நினைத்து விட வேண்டாம், சென்னை பெருநகர மாநகராட்சி அலுவலக வளாகத்திற்குள் அவசரத்துக்குச் சென்றுவர அமைக்கப்பட்டுள்ள மின்னணுக் கழிவறைக் கதவுகள், பட்டனைத் தட்டியும் திறக்கப்படவில்லை, இழுத்துப் பார்த்தும் பயனில்லை, வெறும் காட்சிப் பொருளாக உள்ளது..!

சென்னையில் 807 பொதுக் கழிவறைகள், 140 மின்னணுக் கழிவறைகள் என மொத்தம் 947 கழிவறைகள் மக்கள் பயன்பாட்டிற்கு உள்ளதாக மாநகராட்சி தெரிவிக்கின்றது. அவற்றைப் பராமரிக்க போதிய நிதி ஒதுக்கப்படுவதில்லை என்பதாலும், பொதுக்கழிவறையைப் பராமரிக்க ஒப்பந்தங்கள் வழங்கப்படாததாலும் பெரும்பாலான கழிப்பறைகள் மக்கள் பயன்பாட்டிற்கு உகந்ததாக இல்லை.

பெரும்பாலான கழிப்பறைகளில் தண்ணீர் வருவதில்லை, தண்ணீர் வந்தால் அங்கே வாளியோ, கோப்பையோ இருப்பதில்லை, அப்படியே இருந்தாலும் அவற்றைக் கையால் தொட இயலாத அளவிற்கு அழுக்குப் படிந்து காணப்படுவதாக மக்கள் வேதனை தெரிவிக்கின்றனர்.

கிண்டி, அடையாறு பகுதிகளில் உள்ள மரங்களுக்கு பின்னால் அவசரத்துக்கு ஒதுங்கும் நகரவாசிகள், சென்ட்ரல், அண்ணாசாலை போன்ற மரங்கள் இல்லா சாலைகளில், அவசரத்துக்கு ஆளில்லா குறுக்கு சந்துகளைத் தேடி அலையும் பரிதாப நிலைக்கு தள்ளப்பட்டுள்ளனர்.

இன்னும் சிலர் சமூக அக்கறையுடன் கழிவறையை தேடிச்சென்றால் 10 அடிக்கு முன்பே காற்றில் பரவிக்கிடக்கும் துர்நாற்றம் அதனைத் தவிர்க்கச் செய்கின்றது.

எப்போதும் கூட்ட நெரிசலால் நிரம்பி வழியும் பிராட்வே மார்க்கெட் பகுதியில் அவசரத்துக்கு உருப்படியான கழிப்பறை இல்லாததால், அங்கு செல்வோர் பலரும் வெட்கத்தை விட்டு பொதுவெளியில் சுவற்றுப்பக்கம் தயங்காமல் ஒதுங்குகின்றனர்.

ஆண்கள் எளிதாக அவசரத்துக்கு பொதுவெளியில் ஒதுங்கினாலும், பெண்களின் நிலை தான் கொடுமையிலும் கொடுமை..

இப்படி அவதிப்பட்டு சிறுநீர் கழிப்பதை அடக்கி வைத்தால், கிட்னியில் கல் சேர வழிவகுத்து விடும் என்று சுட்டிக்காட்டும் மருத்துவர்கள், பெண்களுக்கு இது பெரிய அளவிலான உடல் உபாதைகளை ஏற்படுத்தும் என்று எச்சரிக்கின்றனர்.

பொது இடங்களில் சிறுநீர் கழிப்பதால் துர்நாற்றம் வீசுவதோடு, மழைக்காலத்தில் வீதியில் தேங்கும் மழை நீரில் கலந்து எளிதாக தொற்று நோய் பரவும் அபாயம் உள்ளதால், ஸ்மார்ட் சிட்டி என்ற புதிய அடையாளத்தை பெறும் சென்னை பெருநகர மாநகராட்சிக்கு பெருமை சேர்க்கும் விதமாக, அதிகாரிகளும் விரிவான ஆய்வு மேற்கொண்டு அனைத்து கழிவறைகளையும் தூய்மைப்படுத்தி சுகாதாரமாக மக்கள் பயன்பாட்டுக்கு மீட்டுக்கொண்டுவர வேண்டும் என்பதே அனைவரின் எதிர்பார்ப்பாக உள்ளது..!


Advertisement
தாக்கப்பட்ட போலீசார்.. தகர்க்கப்பட்ட கைவிலங்கு.. தப்பிக்கவைக்கப்பட்ட கைதி!
பெண் சிசு கொலை, கொடூரத் தாய் கைது... தகாத உறவால் நேர்ந்த கொலை!
விபத்தில் சிக்கியவருக்கு உரிய நேரத்தில் சிகிச்சை: மருத்துவருக்கு டீன் பாராட்டு!
அலட்சிய அரசு ஓட்டுநரின் தவறால், கடும் நெரிசலில் சிக்கிய வாகனங்கள்..!
சாதி மறுப்பு திருமணம் செய்த பெண் வீதியில் தர்ணா ; மாமியார் வீட்டில் சாதியை சொல்லி இழிவுபடுத்துவதாக வேதனை
லிவிங் டுகெதர் காதலனை கொல்ல ஆசிட் வீசிய காதலி..! சர்வீஸ் அப்பார்ட்மெண்ட் சம்பவம்..!
நால்வழிச் சாலையில் விபத்து.. மருத்துவ மாணவியர் 2 பேர் உட்பட 3 பேர் பலி..!
ஜீன்ஸ் ஐஸ்வர்யாராயும்... பேக் ஐடி ஐஸ்வர்யாவும்... டபுள் ஆக்ட் லவ் சீட்டிங்..! ரூ 34 லட்சம் அபேஸ்
காங்கிரசில் சேர்ந்தால் மாநாடு டிக்கெட் ப்ரீ... தியேட்டரில் ஆள் சேர்ப்பு..! வேற மாறி உறுப்பினர் சேர்க்கை
இரவு 11 மணி கலாட்டா... வாத்தி செஞ்ச வேலை... காப்பு மாட்டிய போலீஸ்…! வாட்ஸ் அப்பால் சிக்கிய வரலாறு

Advertisement
Posted Dec 06, 2021 in தமிழ்நாடு,சற்றுமுன்,Big Stories,

தாக்கப்பட்ட போலீசார்.. தகர்க்கப்பட்ட கைவிலங்கு.. தப்பிக்கவைக்கப்பட்ட கைதி!

Posted Dec 06, 2021 in தமிழ்நாடு,செய்திகள்,Big Stories,

பெண் சிசு கொலை, கொடூரத் தாய் கைது... தகாத உறவால் நேர்ந்த கொலை!

Posted Dec 06, 2021 in தமிழ்நாடு,வீடியோ,Big Stories,

விபத்தில் சிக்கியவருக்கு உரிய நேரத்தில் சிகிச்சை: மருத்துவருக்கு டீன் பாராட்டு!

Posted Dec 05, 2021 in தமிழ்நாடு,வீடியோ,Big Stories,

அலட்சிய அரசு ஓட்டுநரின் தவறால், கடும் நெரிசலில் சிக்கிய வாகனங்கள்..!

Posted Dec 05, 2021 in தமிழ்நாடு,Big Stories,

சாதி மறுப்பு திருமணம் செய்த பெண் வீதியில் தர்ணா ; மாமியார் வீட்டில் சாதியை சொல்லி இழிவுபடுத்துவதாக வேதனை


Advertisement