செய்திகள் Big Stories சற்றுமுன் உலகம் இந்தியா தமிழ்நாடு அரசியல் ஆன்மீகம் விளையாட்டு வர்த்தகம் சினிமா சென்னை வீடியோ கல்வி தொழில்நுட்பம் சுற்றுச்சூழல் ஆரோக்கியம்

Advertisement

போலீசில் சிக்கிய "மங்கி கேப்" கொள்ளையன்: தட்டித் தூக்கிய தனிப்படை போலீஸ்!

Oct 20, 2021 09:41:45 AM

கள்ளக்குறிச்சி மாவட்டம் திருக்கோவிலூர் சுற்றுவட்டாரத்தில் செயின் பறிப்பு சம்பவங்களில் ஈடுபட்டு வந்த “மங்கி கேப்” கொள்ளையன் தனிப்படை போலீசாரிடம் சிக்கியிருக்கிறான். தனது பைக்கின் முன்பக்கம் மட்டும்  நம்பர் பிளேட் பொருத்திக் கொண்டு கண்கள் தவிர முகம் மொத்தத்தையும் மூடியவாறு பல நாட்கள் போலீசுக்கு போக்கு காட்டி வந்தவன் பிடிபட்ட பின்னணியை விவரிக்கிறது இந்த செய்தித் தொகுப்பு.

கள்ளக்குறிச்சி மாவட்டம் திருக்கோவிலூர்- ஆசனூர் சாலையில், செட்டித்தாங்கல் அருகே கடந்த மாதம் 23ஆம் தேதி இருசக்கர வாகனத்தில் சென்று கொண்டிருந்த சத்யா என்ற பெண்ணை மற்றொரு இருசக்கர வாகனத்தில் பின்தொடர்ந்து வந்த மர்ம நபர் ஒருவன், அவர் அணிந்திருந்த தங்க சங்கிலியை பறித்து சென்றான்.

அவ்வழியாக வந்த நெடுஞ்சாலை ரோந்து போலீசாரிடம் சத்யா புகாரளிக்கவே, அவர்கள் உடனடியாக வாக்கிடாக்கி மூலம் அருகிலுள்ள காவல் நிலையங்களுக்கு தகவல் கொடுத்து உஷார் படுத்தி உள்ளனர். இதற்குள் ரிஷிவந்தியம் பகுதியை கடந்துவிட்ட கொள்ளையனை அங்கு மறைந்திருந்த போலீசார் பிடிக்க முயற்சி செய்துள்ளனர். ஆனால், போலீசாரை கண்டதும் அவன் வாகனத்தைத் திருப்பி தப்பிச் சென்றுள்ளான். தொடர்ந்து மாவட்ட காவல் கண்காணிப்பாளர் உத்தரவின் பேரில், 6 பேர் கொண்ட தனிப்படை அமைக்கப்பட்டு குற்றவாளியை தேடி வந்தனர்.

இருபத்தி ஆறு நாட்கள் தனிப்படை போலீசார் மேற்கொண்ட தீவிர விசாரணையில் மர்ம நபர் விழுப்புரத்திலிருந்து பல்சர் இருசக்கர வாகனத்தில் வருவதும், விழுப்புரத்தில் இருந்து முகையூர் வரை முகமுடி அணியாமலும், திருக்கோவிலூர் அருகே வரும்போது மங்கி கேப் அணிந்துகொள்வதும் தெரியவந்தது. செயினைப் பறித்துக் கொண்டு செல்லும்போது, பின்பக்க நம்பர் பிளேட்டை பார்த்து விடக் கூடாது என்பதற்காக அதனை கழற்றிவிட்ட கொள்ளையன், முன்பக்க நம்பர் பிளேட்டோடு கொள்ளையில் ஈடுபட்டு வந்துள்ளான்.

இதனையடுத்து சம்பவம் நடந்த இடம் அதனை சுற்றியுள்ள இடம் என 30க்கும் மேற்பட்ட இடங்களில் இருந்த சிசிடிவி கேமராக்களை தனிப்படை போலீசார் ஆய்வு செய்தனர். இறுதியாக அந்த நபர் 24 வயதான விஜி என்பதும் விழுப்புரம் ராமைய்யா நகர் பகுதியில் வசித்து வருவதும் தெரியவந்தது. திருவண்ணாமலை, வேலூர், திருச்சி உள்ளிட்ட மாவட்டங்களில் இதே போன்று இருசக்கர வாகனத்தில் மங்கி கேப் அணிந்து சென்று செயின் பறிப்பில் ஈடுபட்டதும் விசாரணையில் தெரியவந்தது.

இந்நிலையில், செஞ்சியில் தனது காதலியை கொலை செய்த வழக்கில் விசாரணை கைதியாக விஜி அவப்போது விழுப்புரம் மாவட்ட குற்றவியல் நீதிமன்றத்தில் ஆஜராகி வருவதை தனிப்படை போலீசார் கண்டுபிடித்தனர். இதனை அடுத்து 18ஆம் தேதி விழுப்புரம் நீதிமன்றத்திற்கு சென்று விட்டு வெளியே வரும்போது போலீசார் அவனை கைது செய்துள்ளனர். எந்த பகுதியில் குற்றச் செயல்களில் ஈடுபட போகிறோமோ, அந்த பகுதிக்கு செல்லும்போது மங்கி கேப் அணிந்து செல்வதை வழக்கமாக வைத்துள்ளதாகவும், அதேபோல் ஒரு குற்றச் செயலில் ஈடுபட்டு விட்டால் வாகனதின் நிறத்தையும், பதிவு எண்ணையும் மாற்றி விடுவதை வழக்கமாகக் கொண்டுள்ளதாகவும் தனிப்படை போலீசார் தெரிவித்தனர்.

விஜியிடமிருந்து 21 கிராம் தங்க சங்கிலியும், 9 கிராம் உருகிய நிலையில் உள்ள தங்கத்தையும் மேலும், குற்ற சம்பவங்களில் ஈடுபடும் போது பாதுகாப்பிற்காக வைத்திருந்த கத்தியையும் போலீசார் பறிமுதல் செய்துள்ளனர். அதோடு அவன் பயன்படுத்திய இருசக்கர வாகனம் திருடப்பட்ட வாகனம் என்பதும் தெரியவந்துள்ளது. தனிப்படை போலீசாரின் ஒரு மாத கால கடும் உழைப்பை மாவட்டக் காவல் கண்காணிப்பாளர் ஜியா உல் ஹக் பாராட்டினார்.


Advertisement
தாக்கப்பட்ட போலீசார்.. தகர்க்கப்பட்ட கைவிலங்கு.. தப்பிக்கவைக்கப்பட்ட கைதி!
பெண் சிசு கொலை, கொடூரத் தாய் கைது... தகாத உறவால் நேர்ந்த கொலை!
விபத்தில் சிக்கியவருக்கு உரிய நேரத்தில் சிகிச்சை: மருத்துவருக்கு டீன் பாராட்டு!
அலட்சிய அரசு ஓட்டுநரின் தவறால், கடும் நெரிசலில் சிக்கிய வாகனங்கள்..!
சாதி மறுப்பு திருமணம் செய்த பெண் வீதியில் தர்ணா ; மாமியார் வீட்டில் சாதியை சொல்லி இழிவுபடுத்துவதாக வேதனை
லிவிங் டுகெதர் காதலனை கொல்ல ஆசிட் வீசிய காதலி..! சர்வீஸ் அப்பார்ட்மெண்ட் சம்பவம்..!
நால்வழிச் சாலையில் விபத்து.. மருத்துவ மாணவியர் 2 பேர் உட்பட 3 பேர் பலி..!
ஜீன்ஸ் ஐஸ்வர்யாராயும்... பேக் ஐடி ஐஸ்வர்யாவும்... டபுள் ஆக்ட் லவ் சீட்டிங்..! ரூ 34 லட்சம் அபேஸ்
காங்கிரசில் சேர்ந்தால் மாநாடு டிக்கெட் ப்ரீ... தியேட்டரில் ஆள் சேர்ப்பு..! வேற மாறி உறுப்பினர் சேர்க்கை
இரவு 11 மணி கலாட்டா... வாத்தி செஞ்ச வேலை... காப்பு மாட்டிய போலீஸ்…! வாட்ஸ் அப்பால் சிக்கிய வரலாறு

Advertisement
Posted Dec 06, 2021 in தமிழ்நாடு,சற்றுமுன்,Big Stories,

தாக்கப்பட்ட போலீசார்.. தகர்க்கப்பட்ட கைவிலங்கு.. தப்பிக்கவைக்கப்பட்ட கைதி!

Posted Dec 06, 2021 in தமிழ்நாடு,செய்திகள்,Big Stories,

பெண் சிசு கொலை, கொடூரத் தாய் கைது... தகாத உறவால் நேர்ந்த கொலை!

Posted Dec 06, 2021 in தமிழ்நாடு,வீடியோ,Big Stories,

விபத்தில் சிக்கியவருக்கு உரிய நேரத்தில் சிகிச்சை: மருத்துவருக்கு டீன் பாராட்டு!

Posted Dec 05, 2021 in தமிழ்நாடு,வீடியோ,Big Stories,

அலட்சிய அரசு ஓட்டுநரின் தவறால், கடும் நெரிசலில் சிக்கிய வாகனங்கள்..!

Posted Dec 05, 2021 in தமிழ்நாடு,Big Stories,

சாதி மறுப்பு திருமணம் செய்த பெண் வீதியில் தர்ணா ; மாமியார் வீட்டில் சாதியை சொல்லி இழிவுபடுத்துவதாக வேதனை


Advertisement