செய்திகள் Big Stories சற்றுமுன் உலகம் இந்தியா தமிழ்நாடு அரசியல் ஆன்மீகம் விளையாட்டு வர்த்தகம் சினிமா சென்னை வீடியோ கல்வி தொழில்நுட்பம் சுற்றுச்சூழல் ஆரோக்கியம்

Advertisement
சுற்றுச்சூழல்

தமிழ்நாட்டில் பரவலாக மழைப்பதிவு.! கன முதல் மிக கனமழைக்கும் வாய்ப்பு.!

Jul 09, 2021 04:58:50 PM

வளிமண்டல மேலடுக்கு சுழற்சி மற்றும் வெப்பசலனம் காரணமாக, தமிழ்நாட்டில் பரவலாக, மிதமானது முதல் கனமழை வரையில் பெய்யக்கூடும் என வானிலை மையம் தெரிவித்துள்ளது. வடக்கு வங்கக்கடலில், புதிய காற்றழுத்தத் தாழ்வுப்பகுதி ஓரிரு தினங்களில் உருவாக கூடும் என அறிவிக்கப்பட்டுள்ளது. 

தமிழ்நாட்டில், சென்னை உட்பட பல்வேறு மாவட்டங்களில், பரவலாக மிதமானது முதல் கனமழை வரையில் மழை பெய்துள்ளது. இந்நிலையில், சென்னை வானிலை மையம் வெளியிட்டுள்ள அறிக்கையில், வளிமண்டல மேலடுக்கு சுழற்சி மற்றும் வெப்பச்சலனம் காரணமாக, மழை பெய்வதாக தெரிவிக்கப்பட்டுள்ளது. 

நீலகிரி, கோயம்புத்தூர், மற்றும் டெல்டா மாவட்டங்களில் ஓரிரு இடங்களில் இடி மின்னலுடன் கூடிய கன முதல் மிக கன மழைக்கு வாய்ப்புள்ளதாக தெரிவிக்கப்பட்டுள்ளது. தேனி, திண்டுக்கல், கன்னியாகுமரி, புதுக்கோட்டை, சிவகங்கை மாவட்டங்களில் மாவட்டங்களில் ஓரிரு இடங்களில் இடி மின்னலுடன் கூடிய கன மழை பெய்யக்கூடும். தமிழ்நாட்டின் ஏனைய மாவட்டங்கள், புதுச்சேரி மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய மிதமான மழை பெய்யக்கூடும் என வானிலை மையம் தெரிவித்துள்ளது. 

நீலகிரி, கோயம்புத்தூர், தேனி, திண்டுக்கல், தென்காசி உள்ளிட்ட மேற்குத் தொடர்ச்சி மலை மாவட்டங்களில், அடுத்த 5 நாட்களுக்கு, கன முதல் மிக கனமழை வரையில் மழை பெய்யக்கூடும் என வானிலை மையம் தெரிவித்துள்ளது. 

மேற்குத் தொடர்ச்சி மலை பகுதிகளில் பலத்த காற்றுடன் கூடிய மிக கனமழைக்கு வாய்ப்புள்ளதால், மண்சரிவு ஏற்படக்கூடும் என வானிலை மையம் எச்சரித்துள்ளது.

சென்னை பெருநகர் மற்றும் புறநகரில், வானம் ஓரளவு மேகமூட்டத்துடன் காணப்படும் என்றும், நகரின் சில பகுதிகளில் இடி மின்னலுடன் கூடிய மிதமான மழைக்கு வாய்ப்புள்ளதாகவும், வானிலை மையம் கூறியுள்ளது. 

மன்னார் வளைகுடா, குமரிக்கடல், மத்திய மற்றும் தெற்கு வங்கக்கடல் பகுதிகள், தமிழ்நாட்டின் கடலோரப் பகுதிகள், ஆந்திர மாநிலத்தை ஒட்டிய கடலோர பகுதிகள், மற்றும் அரபிக்கடல் பகுதிகளில் மணிக்கு 65 கிலோ மீட்டர் வரையிலான வேகத்தில் பலத்த காற்று வீசக்கூடும் என்பதால், மீனவர்கள் மீன்பிடிக்கச் செல்வதை தவிர்க்குமாறு, வானிலை மையம் அறிவுறுத்தியுள்ளது.

இதற்கிடையே, கேரளா, கர்நாடகாவில் காவிரி நீர்பிடிப்பு பகுதிகளில், வரும் நாட்களில் மழை பெய்ய வாய்ப்பு உள்ளதாக கூறப்பட்டுள்ளது. தென்மேற்கு பருவக்காற்று வலுவிழந்துள்ளதால் தமிழகத்தில் வெப்பசலனம் காரணமாக அதிக மழை கிடைத்துள்ளதாக வானிலை மையம் தெரிவித்துள்ளது. 

இதனிடையே, வரும் 11 ஆம் தேதி மேற்கு வங்ககடல் மற்றும் அதனை ஒட்டிய வடக்கு வங்ககடல் பகுதியில் புதிய காற்றழுத்த தாழ்வு பகுதி உருவாக உள்ளது. தமிழ்நாட்டிற்கு இதனால் பெரிய அளவில் பாதிப்பும் பலனும் இல்லை என கணிக்கப்பட்டுள்ளது.


Advertisement
பிரபஞ்சத்தில் காஸ்மிக் கதிர்களால் நடனமாடும் கருந்துளைகள்.!
நீர்மின் திட்டங்களால் பாதிக்கும் மேற்பட்ட ஜாகுவார்கள் அழிந்துள்ளதாக தகவல்
காவிரியில் 65 ஆயிரம் கனஅடியாக நீர்வரத்து நீடிப்பு.. அருவிகளிலும் ஆற்றிலும் குளிக்கத் தடை..!
உலக அளவில் பருவநிலை மாற்றத்தால் 14 சதவீத பவளப்பாறைகள் அழிவு...!
தமிழகம் முழுவதும் 16,250 ஹெக்டேர் அளவிற்கு வனம் ஆக்கிரமிப்பில் உள்ளது - தமிழக அரசு
சுமார் 17 மாதங்கள் பயணம் செய்து வேறொரு வாழ்விடத்தை அடைந்த யானைக் கூட்டம்
கொடைக்கானலில் நடு வீதியில் நடந்த சம்பவம்... திருந்துவார்களா மக்கள்?
ஊரடங்கில் தவிப்போருக்கு உதவும் வகையில் ஓர் உன்னத முயற்சி... எழுச்சியின் நன்னயம்!
சர்வதேச பூமி தினத்தையொட்டி சிறப்பு டூடுலை வெளியிட்ட கூகுள் !
உரம், பூச்சிக்கொல்லி மருந்துக்கு குட்-பை சொல்லும் மலேசிய விவசாயிகள்

Advertisement
Posted Jun 29, 2022 in இந்தியா,Big Stories,

புது நன்மைக்காக நீராடிய இளைஞர் மீது பாய்ந்தது மின்சாரம்..! ஆசி வழங்கிய பாதிரியார் அதிர்ச்சி..!

Posted Jun 29, 2022 in தமிழ்நாடு,வீடியோ,Big Stories,

கடந்த 6 மாதமாக உயிருக்காக போராடிய மீனாவின் கணவர்...! இறப்பின் பின்னணி இது தான்

Posted Jun 29, 2022 in இந்தியா,வீடியோ,Big Stories,

எலிக்கு பயந்து பூனையிடம் சரண் அடைந்த போலீஸ்..! வேற வழி தெரியல ஆத்தா..!

Posted Jun 29, 2022 in வீடியோ,சென்னை,Big Stories,

அறுக்கப்பட்ட கழுத்துடன்…… வாடகைக் கார் ஓட்டுனர்களே.. இரவில் வாடகையா உஷார் ..!

Posted Jun 29, 2022 in தமிழ்நாடு,வீடியோ,Big Stories,

உங்க கடமை உணர்ச்சிக்கு ஒரு அளவே இல்லையா மிஸ்டர் காண்ட்ராக்டர்ஸ்..? இப்படியா காங்கிரீட் ரோடு போடுரது..?


Advertisement