சர்வதேச பூமி தினத்தையொட்டி, சிறப்பு டூடுலை கூகுள் வெளியிட்டுள்ளது.
பூமி எதிர்கொள்ளும் முக்கிய பிரச்னைகளான வெப்ப மயமாதல், காடு அழிப்பு, காலநிலை மாற்றம் உள்ளிட்டவை குறித்த விழிப்புணர்வை ஏற்படுத்த ஒவ்வொரு ஆண்டும் ஏப்ரல் 22 ஆம் தேதி பூமி தினம் அனுசரிக்கப்படுகிறது.
’நம் பூமியை மீட்டெடுப்போம்’ என்ற கருப்பொருளுடன் இந்த ஆண்டு கொண்டாடப்படும் பூமி தினத்தையொட்டி, கூகுள் சிறப்பு டூடுல் ஒன்றை வெளியிட்டுள்ளது. அதில், அனைவரும் மரம் நடவேண்டும் என்றும், மரம் நடுவதை அடுத்துவரும் சந்ததியினருக்கு கற்றுக்கொடுக்க வேண்டும் என்றும் கூகுள் வலியுறுத்தியுள்ளது.