செய்திகள் Big Stories சற்றுமுன் உலகம் இந்தியா தமிழ்நாடு அரசியல் ஆன்மீகம் விளையாட்டு வர்த்தகம் சினிமா சென்னை வீடியோ கல்வி தொழில்நுட்பம் சுற்றுச்சூழல் ஆரோக்கியம்

Advertisement
சுற்றுச்சூழல்

தும்பிக்கையை பிடித்துக் கொண்டு கண்ணீர் விட்ட வன ஊழியர்.... யானையின் காதில் தீ வைத்தவர்களை என்ன செய்ய போகிறது வனத்துறை?

Jan 22, 2021 05:24:03 PM

மசினகுடி அருகே அடிக்கடி ஊருக்குள் வந்ததால் யானையின் காதுக்கு  தீ வைத்தவர்களை கண்டுபிடித்து தக்க நடவடிக்கை எடுக்க வேண்டுமென்று  இயற்கை ஆர்வலர்கள் குற்றம் சாட்டுகின்றனர்.

நீலகிரி மாவட்டம் மசினகுடி அருகே காது கிழிந்த நிலையில் சில நாள்களுக்கு முன் ஆண் யானை நடமாடி வந்தது. கடந்த மாதம் 28-ந்தேதி கும்கி யானைகளின் உதவியுடன் யானைக்கு மருத்துவ சிகிச்சை அளிக்கபட்டது. முதுகில் இருந்த காயத்துக்கும் தகுந்த சிகிச்சை அளிக்கப்பட்டது. சிகிச்சைக்கு பின், யானை குடியிருப்பு பகுதிக்குள் வருவதும் சாலையில் நிற்பதையும் வழக்கமாக வைத்திருந்தது. இந்த நிலையில், அந்த யானையின் காதில் சிலர் தீப்பந்தம் கொண்டு தீ வைத்துள்ளனர். அதில் , யானையின் இடது காதில் பலத்த தீ காயம் ஏற்பட்டது. இதனால் , காதின் ஒரு பகுதி அழுகி அறுந்தும் விழுந்தது. தொடர்ந்து, யானைக்கு இரண்டு நாட்களாக கடும் ரத்த போக்கு ஏற்பட்டது. சிகிச்சையளித்தும் சோர்வுடன் காணபட்டது.

இந்தநிலையில், அந்த யானையை முதுமலை வளர்ப்பு யானைகள் முகாமுக்கு கொண்டு சென்று சிகிச்சை அளிக்க வனத்துறையினர் முடிவு செய்தனர். வாசிம், விஜய், கிருஷ்ணா, கிரி ஆகிய 4 கும்கி யானைகள் வரவழைக்கபட்டன.  கால்நடை மருத்துவர்கள் இரண்டு முறை அந்த யானைக்கு மயக்க ஊசி செலுத்தினர். மயக்க ஊசி செலுத்திய சில நிமிடங்களில் மயங்கிய யானை கீழே விழுந்தது. அதிர்ச்சியடைந்த, வனத்துறையினர் உடனடியாக கும்கி யானைகளின் உதவியுடன் அந்த யானையை தூக்கி நிறுத்த முயற்சித்தனர். 

(கிழிந்த காதுடன் யானை)

பின்னர் , 2 மணி நேர போராட்டத்திற்கு பின் கும்கி யானைகளின் உதவியுடன் காயமடைந்த யானை லாரியில் ஏற்றபட்டு முதுமலைக்கு கொண்டு செல்லப்பட்டது. ஆனால், தெப்பாக்காடு வளர்ப்பு முகாம் வாசலில் வைத்தே அந்த யானை பரிதாபமாக உயிரிழந்தது. எவ்வளவோ முயற்சித்தும் காட்டு யானையை காப்பாற்ற முடியாததால், வனத்துறை அதிகாரிகள் கடும் வேதனையடைந்தனர். வனத்துறை ஊழியர் பெள்ளன் என்பவர் பலியான யானையின் தும்பிக்கையை பிடித்து கொண்டு அழுதது கடும் வேதனையை ஏற்படுத்தியது. யானையின் உடல் பரிசோதனையில் நேற்று நடந்தது. அப்போது, யானையின் காது பகுதியில் தீ வைத்தது உறுதி செய்யப்பட்டுள்ளது.

இது குறித்து வன உயிரின ஆர்வலர்கள் கூறுகையில், கொஞ்சம் கூட ஈவு இரக்கம் இல்லாமல் யானையின் காது பகுதியில் யாரோ தீ வைத்துள்ளனர். வனத்துறை அதிகாரிகள் விசாரணை மேற்கொண்டு கடும் நடவடிக்கை எடுக்க வேண்டும். யானை போன்ற பேருயிருக்கு இது போன்ற கொடுமைகள் நடந்தால்  வெளியே தெரிந்து விடுகிறது. யானைகள் மட்டுமல்லாமல் காட்டுப்பன்றி, மான்கள், குரங்குகள் உள்ளிட்ட சிறு உயிரினங்களையும் கொடூரர்கள் இரக்கமே இல்லாமல் துன்புறுத்தி வருகின்றனர். இத்தகைய கொடூரர்களுக்கு கடும் தண்டனை கொடுத்தால்தான் விலங்குகளை துன்புறுத்துவது குறையும் '' என்கின்றனர்.


Advertisement
பிரபஞ்சத்தில் காஸ்மிக் கதிர்களால் நடனமாடும் கருந்துளைகள்.!
நீர்மின் திட்டங்களால் பாதிக்கும் மேற்பட்ட ஜாகுவார்கள் அழிந்துள்ளதாக தகவல்
காவிரியில் 65 ஆயிரம் கனஅடியாக நீர்வரத்து நீடிப்பு.. அருவிகளிலும் ஆற்றிலும் குளிக்கத் தடை..!
உலக அளவில் பருவநிலை மாற்றத்தால் 14 சதவீத பவளப்பாறைகள் அழிவு...!
தமிழகம் முழுவதும் 16,250 ஹெக்டேர் அளவிற்கு வனம் ஆக்கிரமிப்பில் உள்ளது - தமிழக அரசு
சுமார் 17 மாதங்கள் பயணம் செய்து வேறொரு வாழ்விடத்தை அடைந்த யானைக் கூட்டம்
தமிழ்நாட்டில் பரவலாக மழைப்பதிவு.! கன முதல் மிக கனமழைக்கும் வாய்ப்பு.!
கொடைக்கானலில் நடு வீதியில் நடந்த சம்பவம்... திருந்துவார்களா மக்கள்?
ஊரடங்கில் தவிப்போருக்கு உதவும் வகையில் ஓர் உன்னத முயற்சி... எழுச்சியின் நன்னயம்!
சர்வதேச பூமி தினத்தையொட்டி சிறப்பு டூடுலை வெளியிட்ட கூகுள் !

Advertisement
Posted Aug 18, 2022 in வீடியோ,சென்னை,Big Stories,

கம் ஆன் பேபி லெட்ஸ் கோ ஆன் தி புல்லட்டு...! மாடலுடன் டுகாட்டி காதலன் டூயட்டு..! ஆட்டம் போட்டவனுக்கு போலீஸ் ஆப்பு

Posted Aug 18, 2022 in தமிழ்நாடு,வீடியோ,Big Stories,

பெட்டி இங்கே.. தங்கம் எங்கே..? ஊர் குருவி கள்ள பருந்தானது..! கண்ணாமூச்சி ரே.. கண்டுபிடி யாரே..!

Posted Aug 17, 2022 in சென்னை,Big Stories,

சென்னை நிதிநிறுவனத்தில் ரூ.30 லட்சம் கொள்ளை.. கத்திமுனையில் கைவரிசை..!

Posted Aug 17, 2022 in தமிழ்நாடு,வீடியோ,Big Stories,

கஞ்சா குடிக்கி இளசுகள் ஓட்டலில் அட்டகாசம்.. கொலை வெறி தாக்குதல்..! இதற்கு என்ன தான் தீர்வு..?

Posted Aug 16, 2022 in சென்னை,Big Stories,

15 நிமிடங்களில் 32 கிலோ நகைகளை திருடியது எப்படி? முக்கிய கொள்ளையன் பரபரப்பு தகவல்..!


Advertisement