தீவிரமடைந்துள்ள வடகிழக்குப் பருவ மழையால் சென்னைக்கு குடிநீர் வழங்கும் ஏரிகளின் நீர்மட்டம் உயர்வு

வடகிழக்குப் பருவ மழை தீவிரமடைந்துள்ள நிலையில், சென்னைக்கு குடிநீர் வழங்கும் ஏரிகளின் நீர்மட்டம் கணிசமாக உயர்ந்து வருகிறது.
பூண்டி ஏரியின் நீர் இருப்பு 924 மில்லியன் கன அடியாகவும், நீர் வரத்து வினாடிக்கு 196 கன அடியாகவும் உள்ளது. ஏரியில் இருந்து தற்போது வினாடிக்கு 14 கன அடி நீர் வெளியேற்றப்படுகிறது.

3 ஆயிரத்து 300 மில்லியன் கன அடி கொண்ட புழல் ஏரியின் தற்போதைய நீர் இருப்பு ஆயிரத்து 410 மில்லியன் கனஅடியாகும். ஏரிக்கு நீர்வரத்து 801 கன அடியாகவும், நீர் வெளியேற்றம் 84 கனஅடியாகவும் உள்ளது. சோழவரம் ஏரியின் நீர் இருப்பு 587 மில்லியன் கனஅடியாகவும், நீர் வரத்து 162 கன அடி உள்ளது. ஏரியில் இருந்து நீர் வெளியேற்றப்படாததால், நீர் மட்டம் உயர்ந்து வருகிறது.

3 ஆயிரத்து 645 மில்லியன் கனஅடி கொள்ளளவு கொண்ட செம்பரம்பாக்கம் ஏரியின் நீர் இருப்பு ஆயிரத்து 388 மில்லியன் கன அடியாகவும், நீர்வரத்து வினாடிக்கு 256 கன அடியாகவும் உள்ள நிலையில் ஏரியில் இருந்து 48 கன அடி நீர் மட்டுமே வெளியேற்றப்படுகிறது.

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன